Lajme

Kurti: Kapja e shtetit nga Gruevski ka pasur miratim edhe në Prishtinë

Autori: Gazeta inFokus 13:05 | 28 April 2017

Deputeti i Lëvizjes Vetëvendosje, Albin Kurti, ka thënë se situata e krijuar mbrëmë në Maqedoni “ka pasur miratim edhe në Prishtinë”.

“Mustafa nuk reagoi hiç, ndërsa siç reaguan Thaçi e Veseli, më mirë mos të kishin reaguar fare”.

“Nuk mund të dënohet dhuna në përgjithësi, kur dihet me emër e mbiemër nga kush erdhi ajo dhunë”.

Këto komente Kurti i ka bërë në një konferencë për media, pas ngjarjeve që ndodhin mbrëmë në Parlamentin e Maqedonisë, kur për herë të parë kreu i këtij institucioni u zgjedh shqiptar, njofton Klan Kosova.

Kurti tutje tha se ky është moment kur Prishtina dhe Tirana duhet ta intensifikojnë bashkëpunimin dhe komunikimin me partitë shqiptare atje si dhe me deputetët shqiptar.

“Prishtina i la vetëm deputetët shqiptar në Shkup, në momentin kur dihet se Gruevski dhe Ivanovi e kanë kapur Ushtrinë dhe Policinë”.

“Kjo u pa edhe mbrëmë se sa vonë ndërhynë ata”.

Kurti tutje tha se shqiptarëve nuk u lejohet të udhëheqin.

“Shqiptarët lejohen në përbërje të institucioneve, por jo edhe të prijnë jo edhe të jenë udhëheqës”.

“Shumica e votuan Talat Xhaferin, por ai u dënua nga foltorja e tij”.

Ndërsa deputeti tjetër, Glauk Konjufca tha se Vetëvendosje qëndron përkrah popullit shqiptar në Maqedoni, njofton Klan Kosova.

“Solidarizohemi me deputetët e rrahur dhunshme ,duke përfshirë edhe ata shqiptar nga bandat e Gruveskit atje”.

Tutje deputetët i kanë uruar shërim sa më të shpejtë deputetit Zijadin Selës të Lëvizjes për Reforma – PDSH.

Ndryshe mbrëmë kanë mbetur të lënduar gjithsej 102 nga dhuna që u shkaktua në Parlamentin e Maqedonisë, nga grupe që u lejun të futen në Kuvend, vetëm pak kohë pasi Xhaferi u votua për të parin e këtij institucioni.

Në Spitalin e Qytetit në Shkup që ndodhet përballë Kuvendit, ndihmë mjekësore kanë kërkuar gjithsej 70 qytetarë, 22 policë dhe 3 deputetë.

Etiketa:
Kush janë analistët e sigurisë së informacionit?

Të tjera

Fokusi

lajme