Lajme

Kurti i nderuar nga pritja e Nehammer: Austria mike të ngushtë dhe partnere të rëndësishme të Kosovës (FOTO)

Autori: Gazeta inFokus 06:55 | 13 January 2023

Kryeminsitri i Kosovës, Albin Kurti, shprehet i nderuar me mikpritjen e Kancelarit austriak, Karl Nehammer, në vizitën e tij të parë zyrtare për këtë vit.

Në llogarinë e tij në Facebook, Kurti e cilëson Austrinë si mike të ngushtë dhe partnere të rëndësishme të Kosovës, me marrëdhënie bilaterale të shkëlqyeshme, dhe që megjithatë ka vullnet të dyanshëm që ato të thellohen edhe më shumë sa në rrafshin politik, aq në atë ekonomik e kulturor.

I pari i ekzekutivit kosovar shton se e falënderoi Nehammerin për ftesën e tij, bashkëpunimin e afërt dhe mbështetjen e hapur për Republikën e Kosovës, posaçërisht në integrimin evropian dhe siç tha, rrugëtimin e Qeverisë sonë reformiste.

-Advertisement-

“Gjatë qëndrimit tim njëditor në Vjenë, gjithashtu mora pjesë në diskutimin e organizuar nga Akademia Diplomatike e Vjenës, Instituti Austriak për Politika Evropiane dhe të Sigurisë dhe Ambasada e Republikës së Kosovës në Austri, me temë “Ballkani Perëndimor: pjesë kyçe e paqes së qëndrueshme në Evropë”. Aty, në prani të akademikëve, diplomatëve, ambasadorëve dhe studentëve pata mundësinë të shpalosë historinë tonë, prezantojë të arriturat tona si shoqëri, shtet dhe Qeveri, dhe të ndajë me ta qëndrimet e Republikës së Kosovës karshi zhvillimeve gjeopolitike në kontinentin tonë”, shkroi Kurti.

Subscribe në YouTube: GAZETA INFOKUSI
Etiketa:
Edhe dy medalje të arta – Viva Fresh, lider në cilësi, produkte dhe shërbime në Kosovë
-Advertisement-

Të tjera

Fokusi

lajme