Lajme

Kurti flet për rezultatet e testit PISA: Mësimdhënësit duhet të garantojnë që nxënësit po mësojnë

Autori: Gazeta inFokus 11:02 | 13 December 2023

Qeveria e Kosovës, po mban mbledhjen e 178 me radhë dhe të parafundit për këtë vit.

Kryeministri i Kosovës, Albin Kurti tha se kjo do të jetë mbledhja me më së shumti vendime deri më tani.

“Qeverisja kërkon sa përkushtim edhe energji. Si qeveri e re e një vendi të ri me popullatë të re jemi të përkushtuar me rini. Të hënën e kumtuam lajmin që Kosova është bërë anëtare e Organizatës Ndërkombëtare “Shoqata Evropiane e Kartës Rinore EYCA” karta me të cilën do të mund të pajisen të gjithë të rinjtë nën moshën 30 vjeçare”, tha Kurti.

-Advertisement-

Kryeministri shtoi se me këtë kartë të rinjve do t’iu jepet qasje atyre në mbi 60 mijë zbritje dhe benifite në transport, akomodim, arsim, sport kulturë, shërbime dhe produkte kudo në Evropë.

Kurti gjithashtu tha se jemi të shqetësuar me rezultatet e testit PISA për vendin tonë që treguan për defekte strukturore e kronike të sistemit arsimor që shtrihen gjatë në të kaluarën e shoqërisë tonë dhe nuk do të mund të rregullohen as përnjëherë as shpejt.

“Testi PISA po tregon se në fëmijërinë relativisht të hershme diçka nuk po shkon mirë. Mësimdhënësit duhet të kujdesen që të motivojnë, inspirojnë dhe të garantojnë që nxënësit po mësojnë dhe po din”, tha Kurti.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme