Lajme

Kurti flet për armatosjen e Serbisë, thotë se është në panik

Autori: Gazeta inFokus 10:30 | 12 April 2022

Në një konferencë për media, kryeministri i Kosovës, Albin Kurti ka komentuar edhe armatosjen e Serbisë, duke thënë se ndodhet në një lloj paniku dhe ka frikë se mund të ngelet vetëm, shkruan Gazeta Infokus.

Gjithashtu, i pari i ekzekutivit tha se jemi të kujdesshëm, mirëpo nuk frikësohemi.

“Jemi të brengosur, jemi të kujdesshëm, mirëpo nuk frikësohemi. E dimë që i kanë 44 baza ushtarake rrotull kufirit me Kosovën, që është kufiri më i gjatë, dhe rrotull i kanë 42 baza ushtarake ofensive, por pavarësisht kësaj, ndonëse ne nuk jemi në NATO, NATO është tek ne. Kosova dhe NATO janë pjesë të historisë së njëra-tjetrës, të të tashmes së njëra-tjetrës dhe të së ardhmes. Me investimet që po bëjmë me bashkëpunimin me aleatët tanë, besoj që edhe territori edhe shteti edhe qytetarët janë të sigurt”, tha Kurti.

-Advertisement-

Ndërkaq, ai shtoi se armatosja e tyre s’është e parrezikshme për rajonin dhe Kosovën, por qytetarët janë të sigurtë.

“Serbia më duket se ndodhet në një lloj paniku kur po e vëren se nuk mund të qëndrojë në 3-4 ulëse njëkohësisht më, po përpiqet të forcohet për vete sepse ndoshta mund të ngelet e vetmuar. Armatosja e vazhdueshme e Serbisë s’është e parrezikshme për rajonin dhe Kosovën, por në anën tjetër, është shprehje e frikës shtyre se mund të ngelin të vetmuar atëherë kur po duket që s’mund të qëndrojnë në disa karrige siç janë mësuar”, tha i pari i Qeverisë së Kosovës./Gazeta Infokus/

Subscribe në YouTube: GAZETA INFOKUSI