Lajme

Kurti: E vizitova ShSKUK-në për të shprehur mbështetje ndaj drejtorit të Auditimit

Autori: Gazeta inFokus 11:39 | 10 October 2022

Kryeministri i Kosovës, Albin Kurti, ka thënë se sot e ka vizituar Shërbimin Spitalor Klinik Universitar të Kosovës për të shprehur mbështetjen e tij ndaj drejtorit të Njësisë së Auditimit të Brendshëm të ShSKUK-së, Musa Vitija.

Vitisë, më 19 gusht dhe pastaj sërish me 7 tetor iu dogj vetura. Kurti ka thënë se pas një pune intensive janë gjetur shkelje të shumta të dokumentuara në raport përkatës.

“Për të shprehur mbështetjen time të parezervë, sot vizitova Shërbimin Spitalor Klinik Universitar të Kosovës”.

-Advertisement-

“Bashkë me mua në vizitë ishte edhe ushtruesja e detyrës së ministres së Shëndetësisë, Dafina Gexha-Bunjaku dhe zëvendësministri, Arsim Berisha, ku takuam ushtruesen e detyrës së drejtores së ShSKUK-së, Pranvera Zejnullahu- Raçi, kryesuesen e Bordit Drejtues, Aida Rexhepi dhe Drejtorin, Musa Vitija”.

“Të korruptuarit dhe kriminelët zjarrvënës e kanë vendin në burg, e jo jashtë tij ku lirinë e përdorin si mundësi për të përsëritur krimin”, ka thënë Kurti.

Subscribe në YouTube: GAZETA INFOKUSI