Lajme

“Kurrë nuk i kam parë në gjendje të tillë, ju thashë mos e bëni se do të ketë katastrofë” – Vuçiq flet për takimin me Rakiq e të tjerët

Autori: Gazeta inFokus 09:14 | 29 March 2022

Presidenti i Serbisë, Aleksandar Vuçiq, foli për takimin që kishte me përfaqësuesit politikë të serbëve në Kosovë lidhur me zgjedhjet e 3 prillit.

Vuçiq ka thënë se nuk i ka parë ata asnjëherë më të vendosur që të largohen nga institucionet e Kosovës, por pretendon se ai i ka ndaluar ta bëjnë një gjë të tillë.

“Unë kurrë nuk i kam parë njerëzit tanë në Kosovë në një gjendje të tillë kur kanë ardhur në Beograd për bisedime. Serbët gjithmonë më dëgjonin dhe më thoshin se e dinë se çfarë kam refuzuar si në Uashington ashtu edhe në Bruksel. Kam parë një hidhërim të tillë te serbët për herën e parë erdhën në mbledhje, komandantët e njësiteve nga veriu nuk erdhën asnjëherë edhe pse ishin të kërcënuar dhe unë iu luta serbëve të mos e bënin këtë, se po të largoheshin nga institucionet do të kishte katastrofë. Po e shtyj takimin me ta për pas zgjedhjeve, në mënyrë që situata të jetë disi më e mirë”, tha Vuçiq.

-Advertisement-

Ai thotë se pro largimit nga institucionet është edhe Dalibor Jevtiq, për të cilin Vuçiq thotë gjithmonë ka qenë kundër lëvizjeve të tilla.

Subscribe në YouTube: GAZETA INFOKUSI