Lajme

“Kur të kthehet ushtria serbe në Kosovë, secili shqiptar do të vuajë”, thirrjet e huliganëve serbë në Beograd

Autori: Gazeta inFokus 10:10 | 13 December 2022

Një grumbull serbësh janë mbledhur mbrëmë para një kishe në Beograd me thirrje kundër shqiptarëve.

Të mbledhur para Shën Savës, ata u kanë dalë në mbështetje serbëve të Kosovës në veri, të cilët me barrikada të vendosura në rrugë, po bllokojnë rrugët, shkruan Reporteri.net.

Në këtë tubim, serbët kanë kënduar këngë nacionaliste me tekste “Kosova është zemra e Serbisë”  dhe “Nuk ka dorëzim”, shkruan Reporteri.net.

-Advertisement-

“Kur të kthehet ushtria (serbe) në Kosovë, secili shqiptar do të vuajë”, ishte vetëm një prej thirrjeve për dhunë që ata bënë.

Njëri prej organizatorëve që drejtua turmës, ishte i maskuar dhe nuk deshi ta zbulonte identitetin e tij, duke thënë vetëm se ishte nga Kosova, shkruan rel.

Ai i tha turmës se nuk do të ketë  “asnjë Asociacion të Komunave Serbe” dhe se Kosova është pjesë e Serbisë.

Ata brohorisnin “Serbët dhe rusët vëllezër përgjithmonë”, si dhe “Jo ndarje, Kosova është pjesë e Serbisë”.

Turma e serbëve mbanin flamurin ruso-serb, pankartën “Kosova nuk dorëzohet”, dhe aty ishte edhe simboli i pushtimit ushtarak rus të Ukrainës “Z”.

Demonstruesit më pas ecën nëpër rrugët qendrore të qytetit, të cilat më pas u mbyllën përkohësisht për trafik.

Ata dogjën flamurin e Kosovës para Presidencës së Serbisë.

Subscribe në YouTube: GAZETA INFOKUSI
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme