Lajme

‘Kujtoja Albinit premtimet kur ka qenë në opozitë’: Buzhala ka një lutje për Jasharajn

Autori: Gazeta inFokus 22:49 | 12 September 2022

Gjatë ditës së nesërme do të të mbahet takimi i shumëpritur mes kryeministrit të Kosovës, Albin Kurti dhe kryetarit të SBASHK’ut, Rrahman Jasharaj. Gazetari, Berat Buzhala e ka lutur Jasharajn që të mos intimidohet nga kreu i ekzekutivit, transmeton Gazeta Metro.

Buzhala e rekomandon që gjatë takimit t’i kujtojë Albin Kurtit edhe premtimet e tij gjatë kohës sa ishte në opozitë.

Ai thotë se e drejta është në anën e Jasharajt dhe te kryeministri të shkojë për të gjetur një zgjidhje.

-Advertisement-

”Lutje per Rrahman Jasharajn: Shko te Albini me gjete zgjidhje, shume e keqe eshte gjendja per femijet. Mos u intimido prej Albinit, sepse e drejta eshte ne anen tande. Kujtoja Albinit prentimet kur ka qene ne opozite,” shkruan Berat Buzhala në Facebook.

Takimi mes Kurtit dhe Jasharajt është konfirmuar nga zëdhënësi i Qeverisë së Kosovës, Përparim Kryeziu.

Duke mos dhënë më shumë detaje, ai ka thënë se i kanë dërguar ftesë Këshillit Grevist të SBASHK’ut.

Ndryshe, greva e SBASHK’ut ka nisur më 25 gusht, duke lënë jashtë shkollave afro 300.000 nxënës.

Kërkesat e tyre janë pagesa e 100 eurove për çdo muaj deri në miratimin e ligjit për pagat dhe pjesëmarrja e tyre në dialogun social.

Subscribe në YouTube: GAZETA INFOKUSI
TEB sjellë edhe kartelën prestigjioze VISA Infinite

Të tjera

Fokusi

lajme