Lajme

“Kujtimi dhe respekti për të janë të pavdekshme”, Jeta Rafuna kujton Presidentin historik Ibrahim Rugova

Autori: Gazeta inFokus 16:06 | 21 January 2025

Kandidatja për deputete nga Lidhja Demokratike e Kosovës me numër 45, Jeta Rafuna, në përvjetorin e vdekjes së Ibrahim Rugovës, ka thënë se sot kujtojmë presidentin historik dhe vizionar të LDK-së, shkruan Gazeta Infokus.

Ajo përmes një postimi në “Facebook”, ka shkruar se edhe pse kanë kaluar 19 vite, Rugova vazhdon të jetojë në zemrat dhe mendjet tona, si simbol i lidershipit, paqes e qëndresës.

“Sot kujtojmë Presidentin historik dhe liderin vizionar të Lidhjes Demokratike të Kosovës, Dr. Ibrahim Rugova.  Edhe pse kaluan 19 vite nga kalimi në amshim, Presidenti Rugova vazhdon të jetojë në zemrat dhe mendjet tona, si simbol i lidershipit, paqes e qëndresës.  Përkushtimi i tij i palëkundur për pavarësinë e Kosovës i dha Presidentit Rugova respekt dhe vlerësimin ndërkombëtar që ai e meriton”, ka shkruar Rafuna.

-Advertisement-

Po ashtu ajo ka thënë se presidenti historik, Ibrahim Rugova, ishte lider i kohërave më të vështira duke i dhënë popullit të Kosovës, frymëzim, shpresë e duke siguruar unitet të popullit.

“Ishte lider në kohërat më të vështira duke i dhënë popullit të Kosovës frymëzim,  shpresë dhe duke siguruar unitet të popullit. Një jetë kushtuar demokracisë, lirisë e pavarësisë duke u bërë shembull për gjithë globin. Kujtimi dhe respekti për Presidentin Rugova janë të pavdekshme”, ka shkruar tutje Rafuna.

Ndërkaq, Jeta Rafuna është kandidate për deputete me numër 45 në zgjedhjet e 9 shkurtit nga LDK./Gazeta Infokus/

Më poshtë gjeni postimin e plotë:

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme