Lajme

Kufizimi i ujit në Itali rrezikon shëndetin e banorëve

Autori: Gazeta inFokus 08:20 | 27 July 2017

Ministrja e Shëndetësisë e Italisë, Beatrice Lorenzin, ka paralajmëruar për pasoja shëndetësore nëse vendoset kufizimi i ujit në Romë.

Pjesë të Italisë, përfshirë rajonin e Lacios përreth Romës, janë duke vuajtur nga thatësira.

Kompania e ujit Acea, e cila i shërben Romës, ka propozuar ndërprerje të furnizimit me ujë për tetë orë në ditë, për 1.5 milion banorë.

-Advertisement-

Por, ministrja e Shëndetësisë, Lorenzin, tha se “pezullimi eventual i furnizimit me ujë mund të ndikojë seriozisht nivelin e higjienës në struktura akomodimi, restorante dhe zyra publike”.

“Mbi të gjitha, mund të rrezikojë seriozisht ofrimin e shërbimeve themelore shëndetësore”, tha Lorenzin.

Italia ka përjetuar pranverën e tretë më të thatë në 60 vjet.

Thatësira i ka kushtuar bujqësisë italiane rreth dy miliardë euro.

Situata ka bërë që Vatikani të nisë të mbyllë shatërvanët këtë javë, për herë të parë në historinë e tyre.

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme