Lajme

Kryetari i Zubin Potokut mohon se është rrethuar objekti i komunës: Po meremetohet rruga

Autori: Gazeta inFokus 17:36 | 04 May 2023

Agjencia e lajmeve “KosovaPress” ka raportuar sot duke u thirrur në burime se strukturat paralele ilegale serbe kanë filluar përgatitjen për të penguar qasjen në objektin e Komunës së Zubin Potokut, ku pritet të betohet kryetari i ri, Izmir Zeqiri.

Por, ky i fundit e ka mohuar një gjë të tillë. Në një prononcim për Gazetën Express, Zeqiri ka thënë se sipas informatave që ka marrë nga organet e sigurisë, është duke u meremtuar rruga afër objektit të komunës.

“Sipas organeve të sigurisë është duke u meremetuar rruga afër objektit të komunës. Nuk ka diçka që lidhet me politikë”, ka thënë Zeqiri.

-Advertisement-

Ndryshe, deri më 28 maj, kryetarët e rinj të katër komunave në Veri, kanë afat të japin betimin, në të kundërtën e humbasin mandatin. Vuçiq ka kërcënuar me krizë në Veri duke kërkuar negociata për këtë çështje në takimin e ardhshëm teknik që pritet të mbahet gjatë këtij muaji. BE ka kërkuar që kryetarët të mos betohen fare ndërsa Kosova konsideron se kjo kërkesë nuk mund as të parashtohet.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme