Lajme

Kryeminsitri Haradinaj tregon nëse do ta shkarkoj zëvendësministrin e tij

Autori: Gazeta inFokus 17:48 | 21 October 2018

Pas vendimit të gjykatës për paraburgim të zëvendësministrit për Zhvillim Rajonal, Musa Cena, i cili vjen nga AAK, ka reaguar edhe kryeministri Ramush Haradinaj.

Ramush Haradinaj ka paralajmëruar shkarkimin e Musa Cenën, Zëvendësministrin e arrestuar nën dyshimin se ka marrë ryshfet e ka keqpërdorur detyrën zyrtare. Nga Vrella e Istogut, Kryeministri ka thënë se Cena do të largohet nga Qeveria.
“Në këto raste po, lirim. Nëse aktakuza është për kohën e përgjegjësisë po”, ka thënë Haradinaj.

“Organet e drejtësisë po bëjnë punën e vetë. I përgëzojmë për punën e mirë”, ka shtuar ai.

-Advertisement-

Gjykata Themelore në Prishtinë ia ka caktuar Cenës një muaj paraburgim një ditë pasi është arrestuar nga Policia e Kosovës bashkë me një zyrtar të Komunës së Rahovecit dhe një biznesmeni.

Cena do të jetë zyrtari i parë që pritet të shkarkohet meqë ballafaqohet me akuza për korrupsion gjatë kohës sa po ushtron pozitë në Qeverinë e Kosovës.

Sidoqoftë, Shefi i Qeverisë i ka përgëzuar organet e hetuesisë që kanë arritur ta zbardhin një rast korrupsioni ku i përfshirë është zyrtari i AAK’së.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme