Lajme

Kryeministri i Malit të Zi: Do të shqyrtojmë ndalimin e plotë të posedimit të armëve

Autori: Gazeta inFokus 09:35 | 02 January 2025

Kryeministri i Malit të Zi, Millojko Spajiq, ka bërë të ditur se Këshilli i Sigurisë Kombëtare do të shqyrtojë të gjitha opsionet për të garantuar sigurinë e qytetarëve, duke përfshirë ndalimin e plotë të posedimit të armëve.

“Armët nuk duhet të jenë në rrugë dhe në duart e atyre që mund të lëndojnë të tjerët. Prandaj do të kërkoj nga drejtuesit e sapoemëruar të sektorit të sigurisë që të ofrojnë zgjidhje që do të garantojnë sigurinë e qytetarëve tanë”, ka shkruar Spajiq në platformën X.

Ai ka thënë se thirrja publike për rekrutimin urgjent të një numri shtesë të policëve do të shpallet në ditën e parë të punës, pa pritur mendimin e Komisionit Evropian dhe Këshillit të Evropës, të cilëve do t’u sqarohet urgjenca më vonë.

-Advertisement-

Dymbëdhjetë persona mes të cilëve dy fëmijë janë vrarë dje në një krim masiv në Cetinje, ndërsa mjekët e Qendrës Klinike në Podgoricë po luftojnë për jetën e katër të tjerëve, të cilët janë plagosur.

Krimin masiv e ka kryer Aco Martinoviq, i cili më pas ka kryer vetëvrasje.

Subscribe në YouTube: GAZETA INFOKUSI
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme