Lajme

Kryeministri i Holandës dhe ai i Luksemburgut arrijnë në Kosovë, u adresohen mediave pas takimit me Kurtin e Osmanin

Autori: Gazeta inFokus 08:42 | 04 July 2023

Kryeministri i Holandës, Mark Rutte, dhe ai i Luksemburgut, Xavier Bettel, para pak minutash kanë arritur në Aeroportin Ndërkombëtar të Prishtinës, ku janë pritur nga kryeministra i Kosovës, Albin Kurti.

Vizitën në Kosovë, Rutte dhe Bettel do ta nisin me takimin me presidenten e vendit, Vjosa Osmani, në ora  08:30.

Të dy kryeministrat do të kenë takim edhe me  kryeministrin Kurti në ora 09:20, ndërkaq është paralajmëruar edhe një  konferencë për media, në ora 10:05.

-Advertisement-

Vizita e Rutte dhe Bettel vjen pas zhvillimeve në veri të vendit, shkruan gazeta online Reporteri.net.

Gjatë ditës së djeshme, dy kryeministrat qëndruan për vizitë edhe në Serbi, ku kishin takime me presidentin serb, Aleksandar Vuçiq.

Kryeministri i Luksenburgut, Xavier Bettel, ka thënë se është e rëndësishme të qetësohen tensionet në veri të Kosovës.

Ai ka thënë se deeskalimi është në interes jo vetëm të rajonit por edhe të BE-së.

“Ne mbështesim fuqishëm bisedimet e drejtpërdrejta ndërmjet Kosovës dhe Serbisë dhe veprimet konkrete”, tha Bethel në një konferencë në Beograd, ku është takuar me presidentin serb, Aleksandër Vuçiq.

Ndërkaq, kryeministri holandez, Mark Rutte, ka thënë se është i domosdoshëm de-përshkallëzimi i situatës në Veri të Kosovës.

Rute theksoi se Luksemburgu dhe Holanda kanë vendosur të punojnë së bashku dhe të angazhohen në punë të përbashkët me vendet e Ballkanit Perëndimor.

“Ne jemi të vendosur të forcojmë lidhjet tona. Tensionet në rritje mes Serbisë dhe Kosovës na kanë shqetësuar. Dhuna ndaj civilëve, pjesëtarëve të KFOR-it, gazetarëve është shqetësuese”, ka deklaruar ai.

“Kjo është e një rëndësie thelbësore për të dy vendet dhe rajonin më të gjerë, por edhe për Evropën në tërësi. Me luftën e ndezur mes Rusisë dhe Ukrainës, është më e rëndësishme se kurrë që të veprojmë së bashku. Marrëdhëniet e qëndrueshme ndërmjet Serbisë dhe Kosovës janë thelbësore për perspektivat e progresit të mëtejshëm në integrimin evropian”, ka shtuar kryeministri holandez.

Ai tha se Luksemburgu dhe Holanda mbështesin të ardhmen evropiane dhe janë të gatshme të punojnë me Serbinë teksa ndërmerr hapa për përmirësimin e marrëdhënieve me Kosovën, si dhe reformat e nevojshme në rrugën drejt Bashkimit Evropian

Subscribe në YouTube: GAZETA INFOKUSI
Etiketa:
BKT Kosova hap degën më te re në qytetin e Suharekës
-Advertisement-

Të tjera

Fokusi

lajme