Kryeministri Hoti dhe ministrja Dumoshi vizituan KOK-un në gjashtë-vjetorin e anëtarësimit në Komitetin Olimpik Ndërkombëtar
![](https://gazetainfokus.com/wp-content/uploads/2020/12/auto_11607545479-852x460.jpg)
Autori: Gazeta inFokus
22:41 | 09 December 2020
Kryeministri i Republikës së Kosovës, Avdullah Hoti dhe ministrja për Kulturë, Rini e Sport (MKRS), Vlora Dumoshi, kanë vizituar sot Komitetin Olimpik të Kosovës (KOK), me ç’rast janë pritur nga drejtuesit e KOK-ut, presidenti Besim Hasani, sekretari i përgjithshëm, Shasivar Haxhijaj dhe nënpresidenti Gazmend Maxhuni, njofton KOK-u.
Vizita e kryeministrit Hoti dhe ministres Dumoshi, koincidoi me shënimin e gjashtë vjetorit të anëtarësimit të KOK-ut në Komitetin Olimpik Ndërkombëtar. Të pranishëm ishin edhe zëvendësministrat e MKRS, Engelbert Zefaj dhe Qazim Rrahmani, si dhe u.d. i sekretarit të përgjithshëm në MKRS, Ibër Alaj.
Presidenti Hasani duke falënderuar kryeministrin Hoti dhe ministren Dumoshi, i njoftoi me sfidat dhe procesin e njohjes së KOK-ut nga KON-i, medaljen Olimpike të Kosovës, të fituar nga Majlinda Kelmendi, falë së cilës jemi në mesin e 100 shteteve me medalje të artë Olimpike, ndërsa i ftoi që të jenë të pranishëm edhe në Lojërat Olimpike Tokio 2020, në të cilat Kosova synon të tjera medalje.
Presidenti Hasani shprehu falënderimin e Qeverisë dhe MKRS-së, për bashkëpunimin e vazhdueshëm që kanë me Lëvizjen Olimpike, me theks të veçantë përkrahjen dhënë klubeve në kuadër të Pakos së Rimëkëmbjes, si dhe miratimin e Ligjeve që shkojnë në favor të sportit, sidomos Ligjin për Sponsorizim.
I pari i Lëvizjes Olimpike i njohu edhe me Planin Stategjik të KOK-ut 2021-2024, aktivitetet e organizuara deri më tani, ndarjen e bursave për sportistët bashkë me MKRS, ndërsa shprehu nevojën për një zyre të KOK-ut, muze Olimpik, si dhe përfitimet që mund të kenë sportistët pas përfundimit të karrierës sportive.
Kryeministri Hoti duke përgëzuar presidentin Hasani për ndërtimin e suksesshëm të lidershipit të KOK-ut, e quajti 9 dhjetorin ditë të veçantë jo vetëm për KOK-un, por për gjithë Kosovën, pasi anëtarësimi në KON i hapi rrugë edhe anëtarësimit të federatave sportive në mekanizmat ndërkombëtar, si dhe valimit të flamurit të Kosovës në gara të ndryshme jashtë vendit, si pjesë e krenarisë së shtetit të ri të Kosovës.
Tutje, i pari i Qeverisë theksoi se është obligim shtetëror të mbështetet KOK-u dhe federatat sportive, ndërsa shprehu kënaqësinë që është kompletuar infrastruktura ligjore dhe rregulloret që mundësojnë funksionimin normal të KOK-ut dhe federatave sportive.
Nga ana e saj, ministrja Dumoshi duke uruar shënimin e kësaj dite, theksoi se bashkëpunimi i frytshëm deri më tani me KOK-un do të vazhdojë edhe në të ardhmen, derisa përgëzoi edhe sukseset e deritashme të arritura, me theks të veçantë medaljet e fituara nga sporti më i suksesshëm në vend, xhudo.
Ministrja foli edhe për ndarjen e subvencioneve për sportin nga Pakoja e Rimëkëmbjes, ku nga 1.5 milionët e ndara për klubet do të përfitojnë rreth 25 mijë sportistë, si dhe investimet kapitale në sport, që kapin shumën totale prej 23 milionë eurove.
Më pas, presidenti Hasani dhe ministrja Dumoshi nënshkruan edhe Marrëveshjen e Bashkëpunimit, e cila është kërkuar nga Komiteti Olimpik Ndërkombëtar që Qeveria e një vendi të ketë bashkëpunim të mirë me KOK-un, por jo edhe të ndërhyjë në autonominë e saj, për çka kryeministri Hoti përkrahu fuqishëm një marrëveshje të tillë.
Në fund, presidenti Hasani ndau për mysafirët librin foto-reportazh “Debutimi i Artë” të Majlinda Kelmendit.
![](https://gazetainfokus.com/wp-content/uploads/2024/06/AlejtinBerisha-UNI.jpg)
Të tjera
-
“Më mirë vonë se kurrë”, Hoxha për deklaratën e Konjufcës: Është filozof
Avokati dhe ish-zëvendësministri i Brendshëm, Valdet Hoxha ka reaguar lidhur ...
-
Thurte elozhe për Rikallon e dënuar për korrupsion, kush është njeriu që Qeveria e emëroi kryeshef të AUV-it
Qeveria Kurti ka marrë vendim sot për emërimin e Bekim Hoxhës, kryeshef i Agj...
-
Kurti takon ekipin Paralimpik të Kosovës: Angazhimi institucional është thelbësor në rritjen dhe zhvillimin e këtij sporti
Kryeministri i Republikës së Kosovës, Albin Kurti, i shoqëruar nga zëvendëskr...
-
Fatos Nano përsëri probleme me shëndetin, përfundon në spital
Ish kryeministri i Shqipërisë Fatos Nano ka përfunduar sërish në spital prej ...
-
Osmani: Duhet të forcojmë mbrojtjen shkaku i Serbisë
Rusia dëshiron të “hapë një front të ri kundër Perëndimit” duke destabilizuar...
-
Ramadani pyet: Si është e mundur që vila e Radojçiçit të ndërtohet në vitin 2021, kur ai s’kishte të drejtë të hynte legalisht n’Kosovë
Prokuroria Speciale e Kosovës ka ngritur aktakuzë për rastin e sulmit terrori...
-
I plagọsuri në rastin Capat – Sekiraqët lirohet nga Kardiokirurgjia
Njëri nga të plagosurit nga rasti Capat-Sekiraqët, është liruar sot nga spita...
-
Pezullimi i tenderit “Xhorxh Bush” në Prishtinë, reagon Mefi
Deputeti nga radhët e Vetëvendosjes Mefail Bajqinovci, ka reaguar lidhur me p...
-
Kastrati e quan Albulena Haxhiun “Miss non grata”: Po të ndiqej Radojçiq nuk do koordinohej as me Mimozën gjatë pushtetit tuaj
Deputeti i PDK’së, Ardian Kastrati derisa komentoi deklaratat e ministers së ...
-
Policia e dorëzon në Agjencinë e Arkivave materialin arkivor që e gjeti në komunat ilegale në Veri
Agjencia Shtetërore e Arkivave të Kosovës – ASHAK, ka publikuar pamje të mate...
-
Safet Gjici lë qelinë dhe përfundon në spital
Ish-kryetari i bashkisë së Kukësit, Safet Gjici ka lënë qelinë dhe është shtr...
-
Mblidhen 90 mijë euro për shërimin e Uvejs Fetahut, familja falenderon ata që ndihmuan, mbyllet aksioni
Është mbledhur shuma prej 90 mijë euro për shërimin e 8-vjeçarit, Uvejs Fetah...