Kryediplomatja japoneze: Zhvillimi i Kosovës thelbësor për paqen në rajon
![](https://gazetainfokus.com/wp-content/uploads/2024/07/671429-5XODeHhD1Q-1-780x460.jpg)
Autori: Gazeta inFokus
06:53 | 19 July 2024
Ministrja e Punëve të Jashtme të Japonisë Kamikawa Yoko, sot do të vizojë Kosovën në 15 vjetorin e vendosjes së marrëdhënieve diplomatike ndërmjet dy vendeve.
Ajo përmes një mesazhi para se të vijë në Kosovë, është shprehur e kënaqur që mund ta vizitojë Kosovën si Ministre e Jashtme e Japonisë për herë të parë në këtë vit historik që shënon 15 vjetorin e vendosjes së marrëdhënieve diplomatike ndërmjet Japonisë dhe Kosovës.
“Ky vit historik në marrëdhëniet dypalëshe do të shënohet nga ngjarje të ndryshme kulturore të organizuara nga Ambasada e Japonisë. Po ashtu, jam e vetëdijshme qe në muajin shkurt Posta e Kosovës me dashamirësi ka nxjerrë pulla përkujtimore për të festuar 15 vjetorin e vendosjes së marrëdhënieve diplomatike dhe në shtator Orkestra e Filarmonisë së Kosovës do të mbajë një koncert përkujtimor”, thuhet në mesazhin e saj, raporton RTKlive.
Sipas saj, zhvillimi ekonomik i Kosovës është thelbësor për paqen dhe stabilitetin në rajon. Në fushën ekonomike, aktivitete konkrete janë duke u zhvilluar edhe në Kosovë.
“Ne dëshirojmë ta shfrytëzojmë këtë vizitë si një mundësi për të riafirmuar miqësinë dhe bashkëpunimin dypalësh që po thellohet vazhdimisht ndërmjet Japonisë dhe Kosovës, dhe të shfrytëzojmë rastin për ta zhvilluar dhe forcuar më tej atë në të ardhmen”, thuhet në mesazhin e saj.
Kryediplomatja japoneze do të ketë takime me Kryeministrin e Kosovës Alibin Kurti si dhe me Ministren e Jashtme të Kosovës Gërvalla. Gjithashtu do të ketë një takim kortezie me ish-presidenten Atifete Jahjaga.
Mesazhi i plotë, Sh.S.Znj. Kamikawa YOKO, Ministre e Punëve të Jashtme të Japonisë me rastin e vizitës së saj zyrtare në Republikën e Kosovës
Marrëdhëniet ndërmjet Japonisë dhe Kosovës
Jam shumë e kënaqur që mund ta vizitoj Kosovën si Ministre e Jashtme e Japonisë për herë të parë në këtë vit historik që shënon 15 vjetorin e vendosjes së marrëdhënieve diplomatike ndërmjet Japonisë dhe Kosovës.
Lidhur me shpalljen e pavarësisë së Kosovës në shkurt 2008, pas vështirësive të konfliktit të Kosovës, Japonia së bashku me shtetet kryesore perëndimore shpejtoi ta njohë atë në mars të po atij viti dhe në shkurt 2009, dy vendet tona vendosën marrëdhënie diplomatike.
Që atëherë, Japonia ka mbështetur vazhdimisht shtet-ndërtimin e Kosovës nga Asistenca Zyrtare për Zhvillim (ODA) përmes Agjencisë Japoneze për Bashkëpunim Ndërkombëtar (JICA) si dhe mjete të tjera. Dhe me një synim të fortë për të forcuar më tej dialogun dhe bashkëpunimin me rajonin, në janar 2018, kryeministri i atëhershëm z. Shinzo ABE shpalli “Iniciativën e Bashkëpunimit të Ballkanit Perëndimor”, gjatë vizitës së tij në vendet e Evropës Juglindore, me qëllim mbështetjen ekonomike dhe sociale, reformat në vendet e Ballkanit Perëndimor që aspirojnë të anëtarësohen në BE dhe promovimin e bashkëpunimit brenda rajonit të Ballkanit Perëndimor. Në kuadër të kësaj nisme, Japonia ka ndarë ekspertizën e saj për çështje të përbashkëta në rajonin e Ballkanit Perëndimor, si parandalimi i fatkeqësive dhe promovimi i NVM-ve, dhe ka inkurajuar të promovojë më tej bashkëpunimin rajonal, duke qëndruar pranë njerëzve të Ballkanit Perëndimor.
Zhvillimi i marrëdhënieve të shumë anshme duke përfshirë ekonominë dhe kulturën
Ky vit historik në marrëdhëniet dypalëshe do të shënohet nga ngjarje të ndryshme kulturore të organizuara nga Ambasada e Japonisë. Po ashtu, jam e vetëdijshme qe në muajin shkurt Posta e Kosovës me dashamirësi ka nxjerrë pulla përkujtimore për të festuar 15 vjetorin e vendosjes së marrëdhënieve diplomatike dhe në shtator Orkestra e Filarmonisë së Kosovës do të mbajë një koncert përkujtimor.
Marrëdhëniet mes dy vendeve tona janë zhvilluar në fusha të ndryshme, përfshirë ekonominë dhe kulturën.
Zhvillimi ekonomik i Kosovës është thelbësor për paqen dhe stabilitetin në rajon. Në fushën ekonomike, aktivitete konkrete janë duke u zhvilluar edhe në Kosovë. Një kompani japoneze po zgjeron në mënyrë aktive operacionet e tyre në Evropë nga një bazë në Kosovë në sektorin e ushqimit. Për më tepër, vitin e ardhshëm do të mbahet Expo Osaka-Kansai dhe kemi marrë konfirmimin e qeverisë së Kosovës për pjesëmarrje. Ne jemi të etur të punojmë së bashku për të përshpejtuar përgatitjet për të ndërtuar një momentum për suksesin e Expo, duke shfrytëzuar këtë mundësi për të thelluar më tej bashkëpunimin midis dy vendeve tona. Shpresojmë që pjesëmarrja e Kosovës në Expo të shfaqë sharmin e saj, duke çuar në shembuj të rinj të suksesshëm të investimeve të biznesit. Qeveria japoneze do të vazhdojë të inkurajojë dhe mbështesë zgjerimin e aktiviteteve të kompanive japoneze në këtë rajon, me bindje të fortë se forcimi i marrëdhënieve tona ekonomike do të kontribuojë në zhvillimin e mëtejmë të zhvillimit ekonomik të Kosovës, duke hedhur kështu bazat për paqen dhe stabilitetin në rajonin e Ballkanit Perëndimor.
Në sport, xhudo është shumë popullor në Kosovë. Duke parë prapa, Majlinda Kelmendi fitoi një medalje të artë në kategorinë 52 kg për femra në Lojërat Olimpike të Rios 2016, ndërsa Distria Krasniqi në kategorinë 48 kg për femra dhe Nora Gjakova në kategorinë 57 kg fituan medalje të arta në Lojërat Olimpike 2020 në Tokio. Arritjet e tilla të jashtëzakonshme të atletëve të Kosovës tërhoqën vëmendjen dhe lavdërimin e popullit japonez në atë kohë. Këtë verë do të mbahen Lojërat Olimpike të Parisit dhe mezi pres të fuqizojmë më tej shkëmbimet tona dypalëshe përmes sporteve, veçanërisht xhudos.
Muzika është gjithashtu një simbol i shkëmbimit midis dy vendeve tona. Në vitin 2014, Japonia i dhuroi instrumente muzikore Orkestrës Filarmonike të Kosovës. Që nga viti 2007, z. Toshio Yanagisaëa, një dirigjent japonez i cili ka qenë aktiv në rajonin e Ballkanit për shumë vite, shërben si dirigjent kryesor i Filarmonisë. Ai themeloi një orkester kamertale të përbërë nga anëtarë të saj nga pjesë të ndryshme të ish-Jugosllavisë dhe ka drejtuar shfaqjet e saj që synojnë promovimin e harmonisë etnike përmes muzikës. Shpresoj që aktivitete të tilla të sinqerta kulturore do të kontribuojnë në promovimin e paqes dhe zhvillimit të rajonit të Ballkanit Perëndimor.
Diplomacia japoneze ndaj Ballkanit Perëndimor
Mbështetja e procesit të pajtimit dhe reformave socio-ekonomike në këtë rajon që dikur ka vuajtur nga përçarja serioze në mes të njerëzve dhe duke kontribuar në paqen dhe stabilitetin e Kosovës dhe këtij rajoni. Kjo mishëron frymën e “Iniciativës së Bashkëpunimit të Ballkanit Perëndimor” që Japonia e ka promovuar vazhdimisht. Sidomos në një kohë kur rendi ndërkombëtar po përballet me sfida serioze, besoj se është kuptimplotë si Ministre e Jashtme e Japonisë të vizitoj rajonin e Ballkanit Perëndimor, i cili ka përjetuar konflikte shkatërruese në historinë e afërt, dhe të angazhohet në diskutime të sinqerta me njerëzit për rëndësia e paqes.
Siç thuhet në Komunikatën e Liderëve të G7 të Hiroshimës në samitin e majit të vitit të kaluar, përparimi në dialogun për normalizimin e marrëdhënieve ndërmjet Kosovës dhe Serbisë është vendimtar për “rrugën drejt Evropës” të të dy vendeve, është e rëndësishme që në mënyrë të duhur të zbatojnë me besnikëri obligimin e tyre përkatës dhe kam pritshmëri të mëdha nga lidershipi i qeverisë së Kosovës. Japonia gjithashtu ka inkurajuar Serbinë që të angazhohet në dialog me Kosovën dhe sinqerisht synon të mbështesë procesin sa më shumë që të jetë e mundur.
Rëndësia e WPS
Gjatë kësaj vizite, unë synoj gjithashtu të trajtoj temën e Grave, Paqes dhe Sigurisë (WPS), të cilën e kam bërë si punë dhe angazhim të jetës sime.
Japonia promovon Gratë, Paqen dhe Sigurinë (WPS), e miratuar nga Këshilli i Sigurimit i Kombeve të Bashkuara në vitin 2000 si një nga politikat e saj kryesore të jashtme. Kjo politikë bazohet në besimin se paqja e qëndrueshme mund të arrihet në mënyrë më efektive kur gratë marrin role udhëheqëse dhe marrin pjesë në parandalimin e konflikteve, rindërtimin dhe ndërtimin e paqes.
Kosova është një nga vendet lidere në pjesëmarrjen politike të grave, duke përfshirë presidenten Osmani, ministren e Jashtme Gërvalla dhe shumë anëtare të tjera gra të kabinetit. Gjatë vizitës sime do të shkëmbej mendime me ish-presidenten Jahjaga. Ish presidentja Jahjaga mori çmimin Trailblazer në vitin 2017 nga Gratë Lidere Politike (WPL), ku unë kam qenë edhe ambasadore e Japonisë që nga viti 2016, dhe pas përfundimit të mandatit, ajo themeloi një fondacion dhe ka zhvilluar në mënyrë aktive projekte për mbështetjen e grave dhe fëmijëve. Ne do ta forcojmë më tej bashkëpunimin tonë me Kosovën për të realizuar paqen e qëndrueshme të bazuar në perspektivën e Grave, Paqes dhe Sigurisë (WPS) në rajonin e Ballkanit dhe komunitetin ndërkombëtar.
Ne dëshirojmë ta shfrytëzojmë këtë vizitë si një mundësi për të riafirmuar miqësinë dhe bashkëpunimin dypalësh që po thellohet vazhdimisht ndërmjet Japonisë dhe Kosovës, dhe të shfrytëzojmë rastin për ta zhvilluar dhe forcuar më tej atë në të ardhmen.
![](https://gazetainfokus.com/wp-content/uploads/2024/07/Prince-Comodita.jpg)
Të tjera
-
Ministria e Mbrojtjes hap konkurs për pranimin e 300 ushtarëve të rinj
Ministria e Mbrojtjes ka njoftuar se ka hapur konkurs për pranimin e 300 usht...
-
I ndjeri Premtim Gashi ishte liruar nga burgu para disa ditësh
Një ngjarje e rëndë ka ndodhur në orët e vona të së dieles në kryeqytet. S...
-
BE-ja e konsideron prioritet rundin e ri të dialogut Kosovë-Serbi
Bashkimi Evropian e konsideron prioritet organizimin e rundit të ri të dialog...
-
Abdixhiku i dërgon vajzat në shkollë, uron vitin e ri shkollor për të gjithë
Kryetari i LDK-së, Lumir Abdixhiku, ka shpërndarë një video të gruas së tij b...
-
Aksident mes dy veturave tek stacioni i autobusëve në Prishtinë
Një aksident trafiku ka ndodhur afër stacionit të autobusëve. Sipas pamjev...
-
SBAShK-u uron mësimdhënësit, nxënësit dhe prindërit për vitin e ri shkollor
Sindikata Bashkuar e Shkencës dhe Kulturës ka uruar mësimdhënësit, nxënësit d...
-
Kupchan: Manovrat në veri i shërbejnë Kurtit, e jo Kosovës
Charles Kupchan, ish-drejtor i çështjeve evropiane në Këshillin e Sigurisë Ko...
-
Kurti uron vitin e ri shkollor nxënësve dhe mësimdhënësve
Kryeministri i Kosovës, Albin Kurti u ka uruar të gjithë nxënësve, mësimdhënë...
-
Zyra e BE-së në Kosovë nga sot ka një shef të ri
Diplomati estonez, Aivo Orav, do të jetë shef i ri i Zyrës së BE-së në Kosovë...
-
Aksident mes tri veturave afër Albi Mall, nuk dihet se a ka të lënduar
Një aksident sapo ka ndodhur tek rrethi afër Albi Mall në Prishitinë. Në a...
-
Nagavci tha se s’ka pranuar asnjë ankesë për librat, nga Komuna e Vushtrrisë e thonë të kundërtën
Përkundër deklarimeve të ministres së Arsimit, Arbërie Nagavci, se fillimi i ...
-
Dyshohet se mësuesi sụlmoi sẹksụạlisht nxënësen në një shkollë të Kaçanikut
Një rast i sulmit seksual dyshohet se ka ndodhur në një shkollë në fshatin Du...