Kryediplomatja japoneze: Paqja dhe stabiliteti vendimtare për Evropën
![](https://gazetainfokus.com/wp-content/uploads/2024/07/krye-600x360-1.webp)
Autori: Gazeta inFokus
22:19 | 19 July 2024
Ministrja e Punëve të Jashtme të Japonisë, Yoko Kamikawa, gjatë takimit me kryeministrin e Kosovës, Albin Kurti, tha se paqja dhe stabiliteti janë vendimtare për Evropën.
Kamikawa tha se vizita e saj në Kosovë është në funksion të arritjes së paqes dhe stabilitetit në kontinentin evropian.
Para vizitës në Kosovë, ajo qëndroi edhe në Serbi dhe Bosnje e Hercegovinë.
Sipas njoftimit të lëshuar nga zyra e Kurtit, në takim është biseduar për raportet mes Kosovës dhe Serbisë dhe dialogun për normalizimin e raporteve që ndërmjetësohet nga Bashkimi Evropian.
“Kryeministri Kurti dhe ministrja Kamikawa, gjithashtu diskutuan rreth çështjeve rajonale, përfshirë raportet me Serbinë dhe procesin e dialogut, në kuadër të së cilit kryeministri Kurti tha se është arritur Marrëveshja Bazike, por e cila nga fillimi dhe në vazhdimësi është shkelur në mënyrë të hapur nga Serbia”, u tha në njoftim.
Kosova dhe Serbia kanë arritur Marrëveshjen për rrugën drejt normalizimit të raporteve vitin e kaluar. Marrëveshja – edhe pse nuk është nënshkruar, për shkak të refuzimit të Serbisë – nga BE-ja konsiderohet e obligueshme për palët.
Marrëveshja prej 11 nenesh, ndër tjerash parasheh edhe një nivel të vetëmenaxhimit për komunitetin serb në Kosovë dhe njohje të ndërsjellë të simboleve shtetërore, ndërsa kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut.
Vizita e ministres Yoo Kamikawa në Kosovë zhvillohet në kohën kur Kosova dhe Serbia këtë vit shënojnë 15-vjetorin e vendosjes së raporteve diplomatike.
Në takimin mes Kurtit dhe ministres japoneze është diskutuar edhe për mënyrat se si palët mund të thellojnë dhe forcojnë raportet. Po ashtu, gjatë një takimi me gazetarë në Kosovë, zyrtarë japonezë thanë se shteti i tyre po e shqyrton mundësinë e heqjes së vizave për qytetarët e Kosovës. Tokio veçse ka hequr regjimin e vizave për mbajtësit e pasaportave diplomatike dhe atyre zyrtare të Kosovës.
Ndërkaq, në takimin mes Kurtit dhe kryediplomates japoneze për mundësinë e investimeve nga kompanitë japoneze, veçmas në sektorin e energjisë së ripërtërishme dhe infrastrukturës hekurudhore.
Japonia i jep mbështetje Kosovës në shumë sfera përmes Agjencisë Japoneze për Bashkëpunim Ndërkombëtar (JICA) në menaxhimin e mbeturinave, menaxhimin dhe monitorimin e ndotjes së ajrit dhe mbështetjen për televizionin publik të Kosovës.
Japonia po ashtu mbështet fushën e mbrojtjes, duke ofruar trajnime për oficerët e Forcës së Sigurisë së Kosovës.
Gjatë ditës, ministrja Kamikawa është takuar edhe me kryediplomaten e Kosovës, Donika Gërvalla. Në kuadër të vizitës, ajo është paraparë të takohet edhe me zyrtarë të tjerë në Kosovë
![](https://gazetainfokus.com/wp-content/uploads/2023/11/Untitled-design-2-1024x538-1.png)
Të tjera
-
Porosia e veçantë në pllakën që u zbulua gjatë vizitës së shefit të CIA-s në AKI
Agjencia Kosovare e Inteligjencës (AKI) përmes një komunikate për media të pu...
-
KFOR-i shton përsëri prezencën mbi urën e Ibrit
Mëngjesin e sotëm KFOR-i ka shtuar përsëri prezencën mbi urën kryesore të lum...
-
Policia jep detaje në lidhje me kërcënimet ndaj kryetarit të Zubin Potokut
Policia e Kosovës ka dhënë detaje për kërcënimin ndaj kryetarit të Zubin Poto...
-
Fajon: Ky ishte forumi strategjik më i vështirë i Bled-it deri tani
Ministrja e Punëve të Jashtme të Sllovenisë, Tanja Fajon, e mbylli Forumin St...
-
Policia daneze arreston Greta Thunberg në një protestë në Kopenhagë kundër luftës në Gaza
Policia daneze ka arrestuar aktivisten suedeze Greta Thunberg në nj...
-
Dëshmitari Tetaj: Për Jakup Krasniqin dhe Kadri Veselin vetëm mund të spekuloj, s’i kam parë kurrë
Në Dhomat e Specializuara të Kosovës (DhSK) në Hagë, edhe të mërkurën po e va...
-
Rrahu një grua në Lipjan, arrestohet një person në Lipjan
Një burrë është arrestuar nën dyshimin se ka rrahur një grua. Policia njof...
-
Nagavci: Nuk kemi kërkesë nga asnjë komunë për çerdhe të reja
Ministrja e Arsimit, Arbërie Nagavci ka thënë se kanë në procesë ndërtimin e ...
-
Agjencia e OKB-së për Motin paralajmëron “alarm të kuq” pas nxehtësisë rekorde
Rritja e temperaturave duhet të nxisë “alarm të kuq” global, ka thënë Agjenci...
-
Dorëhiqet kryediplomati ukrainas, Dmytro Kuleba i hap rrugë riformatimit të Qeverisë
Ministri i Jashtëm ukrainas, Dmytro Kuleba, është raportuar të jetë anëtari i...
-
Shkrimi i publicistit serb në Al Jazeera: Sikur Vuçiq është pajtuar me humbjen e Kosovës
Publicisti serb, Nenad Kulaçin e ka shkruar një opinion në Al-Jazeera në gjuh...
-
Katër vjet nga marrëveshja e Washingtonit mes Kosovës dhe Serbisë
Kryeministri i Kosovës në atë kohë, Avdullah Hoti dhe presidenti i Serbisë, A...