Krerët e DFB-së dhe të FFK-së u pritën nga ministri Kujtim Gashi
![](https://gazetainfokus.com/wp-content/uploads/2018/07/ministri-800x460.jpeg)
Autori: Gazeta inFokus
10:33 | 30 July 2018
Delegacionin e Federatës së Futbollit të Gjermanisë (DFB) në krye me nënkryetarin e parë z. Rainer Koch dhe nënkryetarin tjetër z. Rainer Milkoreit dhe krerët e FFK-së presidentin z. Agim Ademi me bashkëpunëtorë, dje, në Prizren i priti ministri i Rinisë, Kulturës dhe Sportit, z. Kujtim Gashi, shkruan GazetaFokus.
Me këtë rast duke i falënderuar për këtë vizitë dhe duke ju dëshiruar qëndrim të këndshëm në Kosovë e veçmas në Prizren një qytet të kulturës dhe historisë së Kosovës, ministri Gashi u shpreh: ”Falënderoj shtetin gjerman, po ashtu KFOR-in gjerman dhe DFB-në për përkrahjen e vazhdueshme në fushat përkatëse. I falënderoj në emër të Qeverisë së Kosovës, dhe se presidenti Agim Ademi dhe FFK-ja kanë përkrahjen e plotë dhe të vazhdueshme. Unë kërkoj nga DFB-ja që ta vazhdojnë bashkëpunimin dhe përkrahjen për federatën tonë të futbollit”.
Nga ana e tij nënkryetari i DFB-së, z. Koch ka falënderuar shumë edhe FFK edhe ministrin Gashi për pritje të ngrohtë, të përzemërt dhe të shkëlqyer dhe të nivelit të lartë. “Po ashtu me lejoni që të them disa fjalë edhe për vend takimin kaq të bukur që i ngjanë shumë qytetit të Bayernit, qytetit tim, dhe se këtu po ndjehem këto ditë si në shtëpinë time dhe me njerëzit e mi. Unë ju siguroj se përkrahja për Presidentin Ademi dhe FFK-në do të vazhdojë në shumë fusha dhe do të jetë e vazhdueshme. Unë dua ta përgëzoj edhe ministrin për punën që ka bërë dhe po bënë për stadiumin ‘Fadil Vokrri’, dhe uroj që të përfundojë me kohë në mënyrë që Kombëtarja e Kosovës të luajë ndeshjet kualifikuese në Prishtine me shumë sukses”, ka theksuar ndër të tjera z. Koch.
LEXO EDHE: A do të luajë për Kosovën futbollisti i Bayernit? Ja çfarë thotë FFK
Ndërkaq, presidenti i FFK-së, z. Agim Ademi ka falënderuar ministrin Gashi për këtë mikpritje dhe ka theksuar: “ Ministri me punën dhe angazhimin e tij me plotë përkushtim të jashtëzakonshëm ka përkrahur FFK-në e në veçanti angazhimi i tij që Kosova të ketë një stadium ku Kombëtarja e Kosovës do t’i zhvillojë ndeshjet saja është tepër i madh. Mbase punimet në stadiumin “Fadil Vokrri” pa angazhimin siç thuhet ditë e natë të ministrit nuk do të kishin përfunduar edhe për një kohë, por falë përkushtimit të tij ne shumë shpejt do të luajmë në Prishtinë të gjitha ndeshjet ndërkombëtare të Kombëtares dhe të klubeve.
Po ashtu dua të falënderoj edhe të gjitha palët tjera të involvuara në punën e stadiumit si komunën e Prishtinës, punëkryesin kompaninë Al Trade dhe të gjitha ekipet teknike KEDS, Ujësjellësin, ekipet mbikëqyrëse për punën e pa kompromis për të përfunduar punimet në stadiumin ‘Fadil Vokrri’, ka theksuar presidenti i FFK-së, z. Agim Ademi. /GazetaFokus.
![](https://gazetainfokus.com/wp-content/uploads/2023/06/Screenshot_2-12.png)
Të tjera
-
Nëna e Leotrimit: Djali im paska qenë i krejt Kosovës
Sot në 25-vjetorin e Ditës së Çlirimit të Skenderajt, është përuruar skulptur...
-
Kurti deklarohet për takimin me Arbel, përmend mundësitë e panumërta për bizneset izraelite në Kosovë
Kryeministri i Kosovës, Albin Kurti është takuar me ministrin e Brendshëm të ...
-
Ministri izraelit: Marrëveshja për heqjen e vizave, dëshmi e mëtejshme e forcimit të lidhjeve mes Izraelit dhe Kosovës
Moshe Arbel, ministri i Punëve të Brendshme të shtetit të Izraelit, ka thënë ...
-
Deputetja e VV-së i kërkon ShBA-së e BE-së të jenë më të arsyeshme
Kryediplomati i Bashkimit Evropian, Josep Borrell, ua ka dorëzuar raportin li...
-
Lajçaku për heqjen e masave të BE-së ndaj Kosovës: Gjithçka varet nga diskutimet e nesërme
Emisari i Bashkimit Evropian për dialogun Kosovë-Serbi, Miroslav Lajçak, pas ...
-
Miroslav Lajçak hyn në objektin e Qeverisë, do të takohet me Besnik Bislimin
Emisari i Posaçëm i Bsahkimit Evropian për dialogun Kosovë Serbi, Miroslav La...
-
Shefi i NATO-s në Uashington, Biden: Aleanca më e fortë e më e bashkuar se kurrë
Presidenti Biden priti të hënën në Shtëpinë e Bardhë shefin e NATO-s, më pak ...
-
Lajçak për median serbe “Kosovo Online” – Hapja e pakoordinuar e Urës së Ibrit mund të sjell incidente
Emisari sllovak, Miroslav Lajcak, ka thënë se hapja e pakoordinuar e Urës së ...
-
Kryeministri Kurti takohet me ministrin e Brendshëm të Izraelit
Kryeministri i Kosovës, Albin Kurti, ka pritur sot në takim ministrin e Brend...
-
AAK-ja premton mbi 1000 euro pagë mesatare në sektorin publik
Grupi për hartimin e Programit Zgjedhor të AAK-së 2025-2028 është mbledhur so...
-
ASK për 2023: Kosova me mbi 6 milionë vizitorë
Mbi 6 milionë është numri i vizitorëve për vitin 2023 në Kosovë sipas Agjenci...
-
50 vendet ku kosovarët mund të udhëtojnë pa viza
Kosova dhe Izraeli nënshkruan më 18 qershor një marrëveshje për heqjen recipr...