Lajme

Krasniqi, kujton 10-vjetorin e anëtarësimit të Komitetit Olimpik të Kosovës: Ky moment do të mbetet një nga arritjet më të veçanta dhe sukseset më të dashura të jetës sime

Autori: Gazeta inFokus 21:40 | 09 December 2024

Sot shënohet një moment historik për sportin e Kosovës, duke u mbushur dhjetë vjet që kur Komiteti Olimpik i Kosovës u bë anëtar i plote në Komitetin Olimpik Ndërkombëtar.

Ky moment i rëndësishëm u realizua në ditën e fundit të mandatit të Memli Krasniqit si Ministër i Kulturës, Rinisë dhe Sporteve.

Kryetari i Partisë Demokratike Memli Krasniqi përmes një postimi në rrjetin social facebook theksoi se ky ishte një nga arritjet më të veçanta dhe sukseset më të dashura të jetës së tij, duke e quajtur këtë ngjarje një ëndërr të realizuar, që e kishte udhëhequr gjatë gjithë mandatit të tij në këtë detyrë.

-Advertisement-

“Sot, dhjetë vjet më parë, në ditën time të fundit si Ministër i Kulturës, Rinisë dhe Sportit, realizova një ëndërr që më kishte udhëhequr gjatë gjithë misionit tim në këtë detyrë: anëtarësimin e Komitetit Olimpik të Kosovës si anëtar me të drejta të plota në Komitetin Olimpik Ndërkombëtar. Ky moment, përjetësisht, do të mbetet një nga arritjet më të veçanta dhe sukseset më të dashura në jetën time. Sigurisht, ky qëllim i madh nuk do të ishte i mundur pa mbështetjen e miqve të mi të përkushtuar në sport: Besim Hasanit, Driton Kukës, Majlinda Kelmendit dhe gjithë punonjësve e gazetarëve sportiv, të cilët me përkushtim të pashoq kontribuan për këtë ditë historike”.

Krasniqi falënderoi të gjithë ata që kontribuan në këtë arritje, përfshirë ish-drejtues të sportit, si Besim Hasani, Driton Kukës dhe Majlinda Kelmendi, si dhe punonjësit dhe gazetarët sportivë që ishin të angazhuar për këtë sukses të madh. Ai gjithashtu vlerësoi angazhimin dhe përkushtimin e brezave të ndryshëm që kontribuan në rrugën drejt suksesit të sportit të Kosovës.

“Ky moment, përjetësisht, do të mbetet një nga arritjet më të veçanta dhe sukseset më të dashura në jetën time”, shkruan Krasniqi, duke e nënvizuar rëndësinë e kësaj dite për sportin kosovar dhe për gjithë popullin e Kosovës” shtoi ai./GazetaInfokus/

Subscribe në YouTube: GAZETA INFOKUSI