Lajme

Krasniqi: Albright do të mbetet përherë në zemrat e qytetarëve të Kosovës

Autori: Gazeta inFokus 20:43 | 23 March 2022

Kryetari i PDK-së Memli Krasniqi ka reaguar pas lajmit për vdekjen e mikes së madhe të shqiptarëve ish-sekretares amerikane të Shtetit Madeleine Albright, duke thënë se ajo do të mbetet përherë e dashur në zemrën e secilit qytetar të Kosovës, për rolin e saj vendimtar në ndalimin e gjenocidit serb në vendin tonë.

Krasniqi në një postim në Facebook ka shkruar se Albright ishte një personalitet i papërsëritshëm, simbol i diplomacisë amerikane në botë dhe i humanizmit e i lirisë për shqiptarët.

“Me pikëllim të madh mora lajmin për vdekjen e mikes së madhe të shtetit të Kosovës, ish-sekretares së Shtetit të Shteteve të Bashkuara të Amerikës, Madeleine Albright. Ajo ishte e lidhur fort nga dashuria për Kosovën dhe këtë më së miri e tregon thënia e saj: “Kosova më bën krenare më së shumti në gjithë karrierën time”. Kosova është me fat që pati një mbrojtëse e mike të tillë. Unë dhe Partia Demokratike e Kosovës bashkëndjejmë me dhembjen e popullit amerikan dhe të familjes së saj. Nderimet më të larta e të përjetshme për jetën dhe veprën e Madeleine Albright”, ka shkruar Krasniqi.

-Advertisement-

Subscribe në YouTube: GAZETA INFOKUSI
TEB sjellë edhe kartelën prestigjioze VISA Infinite
-Advertisement-

Të tjera

Fokusi

lajme