Lionel Messi humbi një penallti kundër Real Valladoid, në La Liga, në mes të shkurtit. Një “defekt” i radhës në rekordin e argjentinasit për konvertimin e 11-metërshave në gola.

Sidoqoftë, pesë herë fituesi i “Topit të Artë” mbetet lojtari më i rëndësishëm për Barcelonën, në çdo aspekt që ta shikosh. “Goal.com” ka bërë një krahasim mes dy yjeve, që kanë dominuar futbollin botëror në dekadën e fundit, Messi dhe Ronaldo, sa i takon efikasitetit të tyre nga pika e bardhë.

Cili është rekordi i Messit?
Argjentinasi është sulmuesi i Barcelonës, që ka ekzekutuar 90 penallti në La Liga dhe në Ligën e Kampionëve. Ai ka realizuar me efikasitet 68 prej tyre, me një normë suksesi 75.56%.

Humbja e penalltisë ndaj Real Valladolidit, në shkurt, nuk pati shumë pasoja, pasi kishte realizuar një penallti tjetër në pjesën e parë, me ndeshjen që përfundoi 1-0.

Pavarësisht nga ky rast, trajneri i Barcelonës, Ernesto Valverde, e hodhi poshtë mundësinë që të jetë i shqetësuar për ngërçin e Messit në goditjen e penalltive.

“Jo, jo, nuk jam aspak nervoz. Jam i bindur se ai do të shënojë në penalltitë e ardhshme, – u përgjigj Valverde, kur u pyet për humbjen e 11-metërshit të dytë të kapitenit ndaj Real Valladolidit. – Leo është një bast i sigurt”.

Rekordi i tij i penalltive me Argjentinën është pak më problematik. Më evident u bë ky fakt gjatë ekzekutimit të penalltive në finalen e “Copa America”, në vitin 2016, kundër Kilit. Messi dështoi në 11-metërshin e vet, pas barazimit 0-0, ndërsa pësoi humbjen e tij të tretë radhazi në finale e një turneu të madh ndërkombëtar.

Sulmuesi u trazua aq shumë nga dështimi në gjuajtjen e penalltisë dhe pamundësia për t’i dhënë trofeun ekipit të tij kombëtar, sa vendosi të tërhiqej nga Argjentina, edhe pse e ndryshoi vendimin e tij disa javë më vonë, pasi tifozët dolën në mbështetje të tij.
Penallti

Numri

Penallti të suksesshme *

68

Shtyllë

2

Pritur nga portieri

16

Të humbura

4

TOTALI

90

% e shënimit

75.56%

* Vetëm në La Liga dhe Ligën e Kampionëve, deri më 18 shkurt 2019.

Cili është rekordi i Ronaldos?
Messi është një “vrasës”, por jo aq i besueshëm sa rivali i tij i madh, Cristiano Ronaldo, në goditjen e penalltive. Gjatë kohës së sulmuesit portugez te Real Madridi, ai ekzekutoi 92 penallti, duke shënuar 79 prej tyre dhe humbi vetëm dy, me një normë finalizimi të suksesshëm prej 85.87%. Shifra dukshëm më të mira se argjentinasi i Barcelonës.

Ronaldo ka marrë më shumë penallti se Messi dhe ka humbur më pak se ai, 10 prej të cilave janë pritur nga portieri kundërshtar. Ai quhet “Penaldo”, për faktin se shumica e 11-metërshave të goditur prej tij kthehen në gola. Ashtu si Messi, edhe CR7 i gjuan penalltitë në kombëtaren e vet, duke shënuar një të tillë të paharrueshme ndaj Spanjës, në Kupën e Botës 2018.

Penallti

Numër

Penallti të suksesshme *

79

Shtyllë

1

Pritur nga portieri

10

Të humbura

2

TOTALI

92

% e shënimit

85.87%

* Vetëm në La Liga dhe Ligën e Kampionëve.

Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL

Sponsoruar