Lajme

KQZ: Asnjë nga kandidatët nuk figuron në listën e KGjK-së si i dënuar në tri vitet e fundit

Autori: Gazeta inFokus 17:14 | 19 December 2024

Komisioni Qendror i Zgjedhjeve deri më tani ka certifikuar 11 subjekte politike me 606 kandidatë për deputetë në zgjedhjet e 9 shkurtit.

Zëdhënësi i KQZ-së, Valmir Elezi tha se janë në pritje të certifikimit edhe 17 subjekte politike me 674 kandidatë.

“Për pjesën e mbetur të subjekteve politike dhe kandidatëve, janë duke u shqyrtuar të gjitha aplikimet edhe në raport me aspektet tjera të ligjit dhe shumë shpejt do të përgatiten rekomandimet, të cilat do të prezanohen në mbledhjen e KQZ-së”, tha Elezi.

-Advertisement-

Ai mes tjerash bëri të ditur se asnjëri nga mbi 1 mijë kandidatët për deputetë nuk ndodhet në listën e Këshillit Gjyqësor të Kosovës me dënime në tri vitet e fundit.

“Në nenin 30 të Ligjit për Zgjedhjet e Përgjithshme, ndër tjerash parashihet se nuk mund të certifikohet si kandidat një person i cili “është dënuar në tri (3) vitet e fundit me vendim gjyqësor të formës së prerë për vepër penale, me një ose më shumë vjet burgim efektiv”, andaj kemi kërkuar nga Këshilli Gjyqësor i Kosovës që të bëjë verifikimin në raport me këtë kufizim ligjor. Përgjigjja që kemi marrë nga Këshilli Gjyqësor i Kosovës është se asnjëri nga 1 mijë e 280 kandidatët e 28 subjekteve politike nuk bie ndesh me këtë pjesë të ligjit”, shtoi Elezi për Klanin.

Subscribe në YouTube: GAZETA INFOKUSI
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme