Lajme

KPM merr vendimin për Klan Kosovën, ka dy propozime

Autori: Gazeta inFokus 14:36 | 16 June 2023

Këshilli i Pavarur i Mediave të Kosovës, ka mbajtur mbledhjen e radhës ku pika e parë e diskutimit është vendimi i MINT-it për pezullimin e lejes të Klan Kosovës.

Kryetari i Komisionit të Pavarur të Mediave, Jeton Mehmeti, ka thënë se televizioni ka kohë 30 ditë që të mbledhë provat e nevojshme dhe ti dorëzojë ato në këtë institucion, shkruan Gazeta Infokus.

“Duke marrë parasysh faktin se vendimi për pezullimin e certifkatës së biznesit Klan Kosova, vë në dilemë ligjshmërinë e regjistrimit të këtij biznesi, nga zyra ligjore e KPM-së kemi një rekomandim i cili ka dy dispozita”.

-Advertisement-

“E para, obligohet ofruesi i shërbimit medial, Klan Kosova, që në afat prej 30 ditësh nga pranimi i këtij vendimi ta plotësoj dokumentacionin e nevojshëm për mbajtjen e licencës së transmetimit, konform rregullores për ofruesit e shërbimeve mediale të KPM-së të vitit 2021”.

“Dy, dështimi për të vepruar në pajtim me rregulloren për ofruesit e shërbimeve mediale, brenda afatit të përcaktuar do të rezultojë me masa sanksionuese të përcaktuara me nenin 30 të ligjit të KPM-së”, tha Mehmeti./Gazeta Infokus/

Subscribe në YouTube: GAZETA INFOKUSI