Sport

Kosova U-15 të dielën me seanca stërvitore në Prishtinë

Autori: Gazeta inFokus 17:54 | 15 March 2018

Basketbollistët e lindur në vitin 2002/03 (U-15) që janë pjesë e projektit të FIBA Evropës janë ftuar nga kryetrajneri Ibrahim Karabeg të dielën (18.03.2018) në stërvitje, në mënyrë që të përgatiten sa më mirë për turneun ndërkombëtar që do të organizohet në kuadër të këtij projekti dhe do të mbahet në Prishtinë prej 6 deri më 8 prill, shkruan infokusi.

Stërvitja do të mbahet të dielën prej orës 12:00 deri në 15:00 në palestrën e sportit të Kolegjit “ISP” në lagjen “Marigona Residence” në Prishtinë.

Njëherësh ky është aktiviteti i fundit i këtij projekti dyvjeçar, në të cilin marrin pjesë edhe Bullgaria, Maqedonia dhe Rumania, derisa në vizitë do të jetë edhe një delagacion i Federatës Turke të Basketbollit, pasi që kjo e fundit është edhe udhëheqëse e projektit.

-Advertisement-

Kryetrajnerit Ibrahim Karabeg, do t’i asistojnë trajnerët Lorik Kllokoqi dhe Gyltekim Selimi.

Prej 15 basketbollistëve të ftuar nga Karabeg, 13 prej tyre do të përzgjedhën për të marr pjesë në turneun në Prishtinë.

Në kuadër të këtij projekti janë organizuar kampe nacionale, kampe ndërkombëtare, vizita të trajnerëve në Turqi, turne të ndryshëm, dhe tani është radha e përmbylljes së projektit dhe evaulimit të tij nga menaxherët e katër federatave, e kjo do të ndodh në Prishtinë gjatë zhvillimit të turneut.

Gjeni më poshtë orarin dhe listën e gjerë të Kosova U-15.
1. Don Polloshka
2. Adrian Kika
3. Albin Berisha
4. Blend Mehana
5. Drilon Shala
6. Dion Sheqiri
7. Bledar Thaqi
8. Fisnik Kraki
9. Genis Mati
10. Renat Berisha
11. Enis Morina
12. Shpat Mustafa
13.Shpat Syla
14. Nart Jashari
15. Drinor Gashi