Lajme

Kosova “prin bindshëm” me zëvendësministra karshi shumë shteteve të BE-së

Autori: Gazeta inFokus 17:56 | 04 January 2018

Pavarësisht kritikave për numër të madh të zëvendësministrave, Qeveria e Kosovës nuk e ka ndërmend të ndalet. Ajo sot ka emëruar edhe një zëvendësministër të ri duke e quar kështu numrin në gjithsej 72, shkruan Infokusi.com.

Ish deputeti i Kuvendit të Kosovës, Burim Ramadani është zëvendësministri i ri që është emëruar sot në Ministrinë e Forcës dhe Sigurisë së Kosovës.

Kjo Ministri e udhëhequr nga Rrustem Berisha ka edhe dy zëvendësministra të tjerë, Brahim Mehmetajn dhe Agim Çekun ndërsa ka edhe 6 këshilltarë.

-Advertisement-

Kosova aktualisht po prin në mesin e shumë shteteve të Bashkimit Evropian për nga numri i ministrive dhe zëvendësministrave. Kabineti qeveritar deri më tani përbëhet nga Ramush Haradinaj kryeministër, pesë zëvendëskryeministra, 21 ministra dhe 72 zëvendësministra.

Edhe Qeveria e kaluar e udhëhequr nga Isa Mustafa është kritikuar vazhdimisht për numrin e madhe të zëvendësministrave. Ajo qeveri përbëhej nga tre zëvendës kryeministra, 21 ministri, përfshirë këtu dy ministra pa portofol dhe rreth 50 zëvendësministra, shkruan Infokusi.com.

Zëvendësministri i sapoemëruar në Ministrinë e Forcës dhe Sigurisë së Kosovës ka disa vite që është jashtë skenës politike.

Ai gjatë viteve 2011 -2014 ka qenë deputet i Kuvendit të Kosovës nga radhët e Aleancës për Ardhmërinë e Kosovës ndërsa gjatë viteve 2009 -2015 ka mbajtur pozitën e Sekretarit të Përgjithshëm të AAK-së, shkruan Infokusi.com.

E me vendimin e fundit të kryeministrit Hardainaj edhe Ramadani do të merr pagën me rritje. Ai njësoj si edhe të gjithë zëvendësministrat e tjerë të qeverisë Haradinaj do të ketë pagë mujore bruto prej 1150 euro./INFOKUSI

Subscribe në YouTube: GAZETA INFOKUSI
Etiketa:
TEB sjellë edhe kartelën prestigjioze VISA Infinite
-Advertisement-

Të tjera

Fokusi

lajme