Kosova ka potencial për turizëm, i mungon infrastruktura
![](https://gazetainfokus.com/wp-content/uploads/2023/05/Rugova_Turizmi.jpg)
Autori: Gazeta inFokus
08:32 | 23 May 2023
Kosova ka potencial të jashtëzakonshëm për turizëm. Kështu konsideron Shoqata e Turizmit si dhe ajo e Unionit të Turizmit në Kosovë. Sipas tyre, në zonat malore, turizmi do të ishte edhe më shumë i zhvilluar nëse do të kishte infrastrukturë më të mirë, energji elektrike, e përveç këtyre, do të duhej të kishte edhe paketë turistike që do t’i tërhiqte vizitorët..
Ani pse Kosova ka potencial të jashtëzakonshëm për zhvillim të turizmit malor, Ruzhdi Kurtishaj, kryetar i Shoqatës së Turizmit të Kosovës dhe pronar i një agjencie turistike në vend, tha se në këtë drejtim, duhet punuar më shumë, sidomos për infrastrukturë e për oferta turistike. Ai përmendi disa probleme që e përcjellin turizmin në Kosovë.
Kosovës i mungon oferta turistike, hotelet janë jashtëzakonisht të shtrenjta. Pra krahasim me vendet e rajonit është më e shtrenjta për akomodim e në të njëjtën kohë e kemi problem shumë të madh sidomos në zonat malore infrastrukturën e dobët. Pa energji elektrike, pa infrastrukturë ligjore dhe zona të caktuar turistike është problem për të tërhequr turistë, shto këtu mungesën e ofertës turistike që ne nuk e kemi ende”, tha ai.
Kurtishaj tha se turistëve që dëshirojnë ta vizitojnë Kosovën u sugjerojnë të shkojnë në zonat në Pejë, Grykë të Rugovës, Bogë, pastaj në malet e Sharrit, duke përfshirë Brodin, Prevallën e të tjera. Ai tha se në Prizren të gjithë turistët ndahen të kënaqur. Gjithashtu Kurtishaj shtoi se turistëve iu preferojnë të vizitojnë edhe vendet me histori.
“Kosova është dëshmuar botërisht që ka një tolerancë fetare, pra kemi trashëgiminë fetare edhe kemi trashëgiminë kulturore në qytetin e bukur të Prizrenit, ku të gjithë turistët vendorë e të huaj ndahen jashtëzakonisht të kënaqur. Gjithashtu ne, si agjenci turistike, preferojmë shumë të vizitohet edhe vendi i shenjtë pra Kullat e Jasharajve në Prekaz, gjithashtu Gllogjanin më një histori dhe vendet e tjera që kemi me kala të ndryshme qoftë Artana, Kalaja e Prizrenit që ka pamje jashtëzakonisht të bukur”, tha Kurtishaj.
E kryetari Unionit të Turizmit të Kosovës, Baki Hoti, konsideron se Kosova për sa i përket pjesës së turizmit ofron jashtëzakonisht shumë. Ai tha se vitin e kaluar ka pasur rritje të numrit te vizitorëve në Kosovë për 25%, duke shtuar se këtë vit pret që kjo përqindje të rritet.
“Kryesisht në Kosovë, sidomos në statistikat e vitit të fundit kemi pasur një rritje jashtëzakonisht të madhe të turistëve që e kanë vizituar Prishtinën, gjithmonë duke pasur parasysh edhe shtimin e aktiviteteve dhe festivaleve të cilat i ka organizuar Komuna e Prishtinës, pra të gjitha këto aktivitetet janë një element që tërheqin vizitorë. Pastaj kemi edhe pjesën e Prizrenit, ku ka një interesim të madh për turizmin kulturor një interesim për vizita te monumente të ndryshme të trashëgimisë kulturore”, tha ai.
Hoti tha se vizitorët shkojnë më shumë në Rugovë, Radavc te shpella ”Bukuroshja e Fjetur”, te Ujëvara e Drinit dhe shumë vende të tjera atraktive. Ndërsa në sezon të dimrit, përmendi qendrat e skijimit të cilat kanë shumë vizitorë.
Sipas një ankete të Agjencisë së Statistikave të Kosovës, ku morën pjesë 146 hotele, për periudhën mars 2023, numri i vizitorëve vendorë dhe të huaj në Kosovë ishte rreth 52 mbi mije, e prej tyre 30.76% ishin vendorë dhe 69.24% të jashtëm. Numrin më të madh të vizitorëve e kishte Prishtina me 18 mije 567 vizitorë, ndërsa numrin më të madh të net-qëndrimeve e kishte Rajoni i Pejës me 65 mije 253 net-qëndrime.
Sipas ASK-së, për sa u përket vizitorëve të huaj, numri më i madh ishte nga Shqipëria, Gjermania, Zvicra etj.
![](https://gazetainfokus.com/wp-content/uploads/2024/04/434178109_945523566832917_4716854862130287286_n.png)
Të tjera
-
Rohde i cilëson si “ngarkesë” 3 kushtet e djeshme të Kurtit – Serbia po e shkel nenin 4 të Marrëveshjes Bazike
Ambasadori i Gjermanisë në Kosovë, Jorn Rohde, e ka komentuar takimin e djesh...
-
Serbi i arrestuar për spiunazh filmonte fshehurazi policinë e KFOR-in, është agjent rezident i BIA-s
Aleksandër Vlajiq, shtetas serb i Kosovës, është arrestuar mbi dyshimet për s...
-
BE pas ndalimit të Festivalit “Mirëdita…”: Zhgënjyese, kjo iniciativë është pjesë e rëndësishme e normalizimit
Zyra e Bashkimit Evropian në Serbi ka reaguar pasi u ndalua mbajtja e festiva...
-
Arrestohet një i mitur për fajde në Lipjan, përfundon në ndalim policor
Një aksion i Policisë i zhvilluar në Lipjan ka rezultuar me arrestimin e një ...
-
“Nuk e keni kalu traumën e GJND-së” – Zëvendësministri Vokrri ballafaqohet me ish-ministrin e jashtëm serb
Zëvendësministri i i Ministrisë së Administrimit të Pushtetit Lokal, Arbër Vo...
-
Kryetari i Dragashit mban mbledhje urgjente pas vërshimeve, këto janë vendimet që u morën
Kryetari i komunës së Dragashit, Bexhet Xheladini, ka mbajtur sot takim urgje...
-
Valon Syla: Dimali po rren, edhe vetë ka qenë pjesë e tagjisë sa ka punuar gazetar
Gazetari Valon Syla e ka komentuar deklaratën e deputetit të VV’së, Dimal Bas...
-
Konjufca priti në takim delegacionin e deputetëve të CSU-së të Parlamentit të Bavarisë
Kryetari i Kuvendit të Republikës së Kosovës, Glauk Konjufca, priti sot në ta...
-
Krimet Ekonomike arrestojnë instruktorin e një autoshkolle, mori ryshfet për t’ia kryer dikujt testin për patentë
Hetuesit policorë nga Drejtoria për Hetimin e Krimeve Ekonomike dhe Korrupsio...
-
E dhimbshme: Ky është personi që vdiq në aksidentin në Keqekollë, ish ushtar i UÇK-së
Një aksident i rëndë trafiku që ndodhi sot mes një veture dhe një autobusi në...
-
Miratohet kërkesa e mbrojtjes së Rexhep Selimit për t’i përjashtuar disa prova në lidhje me një dëshmitar
Në Dhomat e Specializuara të Kosovës (DhSK) në Hagë është miratuar kërkesa e ...
-
Kjo është gjendja shëndetësore e 14 të lënduarve në aksidentin në Keqekollë ku një person humbi jetën
Një aksident i rëndë ka ndodhur të enjten në Keqekollë të Prishtinës në mes t...