Kosova ka arritur që ta mposhtë Qipron me rezultat 0-2 në kuadër të Ligës së Kombeve

Pjesa e parë u mbyll me rezultat 0-0, ndërsa pjesën e dytë “Dardanët” e nisën furishëm duke krijuar shanse të mira shënimi, ku Qipro u mbajt deri në minutën e 65-të ku shënoi Valon Berisha për t’ia dhuruar epërsinë fillestare Kosovës.

13 minuta më vonë ishte Edon Zhegrova ai që e dyfishoi epërsinë e Kosovës, gol ky që ishte edhe rezultati final.

Më vonë, do të luaj edhe Greqia kundër Irlandës së Veriut, që janë në grup me Kosovën.

Ndeshja e radhës për Kosovën do të jetë ajo kundër Greqisë të dielën në “Fadil Vokrri.

85’ Kanë mbetur edhe pesë minuta nga koha e rregullt mes Kosovës e Qipros, kur rezultati është 0-2 në favor të Kosovës falë golave të Berishës e Zhegrovës.

78’ Kosova ka gjetur edhe golin e dytë me një realizim fantastik nga Edon Zhegrova i cili shënoi për golin e qetësisë kundër Qipros. Tani, rezultati është 2-0 në favor të “Dardanëve”.

65’ Kosova ka kaluar në avantazh përballë Qipros me një gol mjaftë të bukur nga Valon Berisha, i cili nga distanca e mposhti portierin kundërshtar.

60’ “Dardanët” po vazhdojnë t’i japin mbështetje lojtarëve të Kosovës në “AEK Arena” të Qipros, ku nuk ka munguar as kënga “besa besë” e kënduar nga ta. Kosova në pjesën e dytë po luan shumë më mirë se Qipro, duke krijuar raste shumë të rrezikshme por akoma rezultati mbetet 0-0.

52′ Kosova e ka nisur mjaftë mirë pjesën e dytë ku me anë të Muriqit arriti ta krijojë një shans të mirë shënimi, por nga afërsia ai nuk u tregua i saktë.

46’ Ka nisur pjesa e dytë në “AEK Arena” mes Qipros e Kosovës, ku pas 45 minutave të para rezultati mbetet ende i barabartë. Deri më tani asnjëri trajner nuk ka bërë ndonjë ndryshim në formacion.

45:00 Ka përfunduar pjesa e parë mes Qipros e Kosovës me rezultat 0-0. Ndeshja e vlefshme për Ligën e Kombeve u luajt me intensitet të barabartë, ku në 20 minutat e parë dominimin e kishte Kosova, për ta kthyer në balancë pastaj Qipro, por pa krijuar raste të rrezikshme për gol.

40’ Kanë mbetur edhe 5 minuta lojë mes Qipros e Kosovës, ku ende nuk ka ndryshim në rezultat.

30’ Gjysmë ore lojë ka kaluar në “AEK Arena” mes Qipros e Kosovës, ku rezultati po vazhdon të jetë ende i barabartë, ashtu siç është edhe dominimi në fushë.

22’ Qipro tani e ka marrë dominimin përballë Kosovës, ku në disa raste po shfaqet e rrezikshme, por nuk po arrin që ta gjejë rrjetën e golit.

15’ Kanë kaluar një çerek ore lojë në Qipro, ku “Dardanët” edhe më tej po vazhdojnë ta dominojnë ndeshjen duke krijuar disa gjysmë-raste, por pa rrezik të madh ndaj portës së kundërshtarit.

10’ Rasti më i mirë deri më tani u krijua në minutën e 10-të të takimit, ku Rashica u lirua mjaft mirë, por që nuk arriti ta gjejë Muriqin në afërsi të golit, rezultati mbetet ende 0-0.

7’ Kanë kaluar 7 minuta lojë në stadiumin “AEK Arena”, ku deri në këto momente Kosova e ka dominimin e ndeshjes, por pa arritur të krijojë ndonjë rast të rrezikshëm.

1’ Ka nisur ndeshja e parë në Ligën e Kombeve për Kosovë. Të parët që luajnë me topin janë “Dardanët”.

Rëndësia e komunikimit efektiv midis Familjes dhe Kopshtit

Sponsoruar