Sport

Kosova dhe Shqipëria konfirmojnë pjesëmarrjen në Europa League

Autori: Gazeta inFokus 16:53 | 13 December 2017

Shqipëria konfirmoi pjesëmarrjen për të tretin vit në kompeticionin e volejbollit Europa League 2018 dhe tashmë mund të nisë puna për përgatitjen e skuadrës së meshkujve dhe femrave pasi shorti ka zbardhur kundërshtarët e dy skuadrave përfaqësuese.

Në Luksemburg, Federata Europiane e Volejbollit konfirmoi ndryshimin e formatit të evenimentit që do të startojë në mesin e vitit 2018, shkruan SS.

Do të jenë dy grupet e këtij kompeticioni, “Golden Europa League”, me 12 skuadra dhe “Silver Europa League”, me skuadra, mes të cilave edhe Shqipëria e Kosova, por në grupe të ndryshme.

-Advertisement-

Djemtë kuqezi bëjnë pjesë në Grupin B bashkë me Bjellorusinë, Kroacinë e Hungarinë, ndërsa Kosova është shortuar me Maqedoninë, Letoninë dhe Austrinë. Sistemi është ai i ndeshjeve vajtje-ardhje. Për femrat, Shqipëria do të përballet me Izraelin, Austrinë dhe Gjeorgjinë, ndërsa Kosova peshkon Zvicrën, Estoninë dhe Suedinë.

Fazat finale do të luhen në mesin e Muajit Qershor ku do të kualifikohen të parat e çdo grupi, e dyta më e mirë dhe vendi organizator. Shteti që do të fitojë “Silver Europa League” do të luajë vitin 2019 në “Golden Europa League” ku edhe konkurrenca është më e fortë.

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

sport