Lajme

Konjufca: Thaçi e Veseli deshën përmes “Syri i Popullit” ta nxjerrin VV-në nga skena politike

Autori: Gazeta inFokus 13:02 | 18 December 2019

Pas të parti edhe i dyti i Vetëvendosjes, Glauk Konjufca, ka dhënë dëshminë e tij në Prokurorinë Themelore të Prishtinës.

Kjo për kallëzimin penal kundër Preisdentit Hashim Thaçi dhe ish-kryeparlamentarit Kadri Veselit, në rastin e njohur si “Syri i Popullit”.

Kjo për deklaratë të rrejshme nën betim që Kurti e Konjufca thonë që kanë bërë Thaçi e Veseli të cilët e lidhën këtë organizatë më Vetëvendosjen.

-Advertisement-

“Kanë deklaruar se jemi themelues të organizatës “Syri i Popullit” dhe që kemi shkruar komunikata të UÇK-së që lidhen me vrasjet gjatë luftës në Kosovë si dhe me vrasjet e pasluftës në Kosovë”, tha ai në një prononcim për media pasi ka dalë nga prokuroria.

“Këto janë pretendimet e Thaçit dhe Veselit që të lidhin Vetëvendosjen me terrorizmin me vrasjet e luftës në kohën e luftës tonë çlirimtare por edhe gjatë vitit 2000. Kjo është e papranueshme për ne dhe kjo është arsyeja pse kemi paditur Thaçin dhe Veselin se kanë bërë deklarimet të rrejshme nën betim”.

Kështu, Konjufca pretendon se Thaçi e Veseli përmes këtij veprimi kanë pasur qëllim që  Vetëvendosjen ta nxjerrin nga politika duke e shpallur terroriste, shkruan gazeta inFokus.

“Ata kanë synim politik që duke e konsideruar VV-në si kundërshtar politik të bëjnë këso mveshje të veprave të rënda penale përmes deklarimeve të rrejshme me qëllim që ta diskualifikojnë nga skena politike Lëvizjen Vetëvendosje, Albin Kurtin dhe mua”.

Sa i përket vonesës së thirrjes në prokurori, Konjufca tha se nuk e di arsyen por se është i kënaqur që ky organ i drejtësisë është aktivizuar.

“Nuk e di pse por është një lajm i mirë më në fund që prokuroria po aktivizohet dhe që në Kosovë nuk mund të presim vite të tëra kur janë në pyetje zyrtarët e shtetit, të cilët me deklaratat e tyre kanë treguar edhe dirigjues të institucioneve të drejtësisë”.

“Paramendojeni kur në një deklaratë Thaçi thotë që “unë e zgjeroj aktakuzën në drejtim të Albin Kurtit dhe Glauk Konjufcës” thua se vetë ai është prokuror dhe se evtë i shkruan proceset gjyqësore. Merreni me mend që ky është fjalori i presidentit tonë”.

“Ky është mentaliteti i njerëzve që na kanë qeverisur deri tash por jo edhe shumë gjatë”./Gazeta inFokus/

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme