Lajme

Konjufca: Jemi ndër vendet e para në rajon sa i përket transparencës së Kuvendit

Autori: Gazeta inFokus 12:12 | 09 November 2021

Kryetari i Kuvendit të Kosovës, Glauk Konjufca ka thënë sot se demokracia parlamentare është baza e zhvillimit të sistemit politik. Këtë deklarata, Konjufca e bëri gjatë takimit me organizata partnere të Kuvendit të Kosovës.

Ai tha se roli i Kuvendit për zhvillimin e vendit është qendror.

“Ka qenë takim i nevojshëm dhe i rëndësishëm për Kuvendin e Kosovës, për shkak se unë besoj se demokracia parlamentare është baza e zhvillimit tonë dhe sistemit tonë politik. Meqenëse edhe me Kushtetutë ne jemi demokraci parlamentare, roli i Kuvendit për zhvillimin e vendit është qendror”, ka thënë Konjufca.

-Advertisement-

Konjufca shtoi se me transparencën e punës së Kuvendit, Kosova është ndër vendet e para në rajon.

“Për neve është e çmueshme për arsye se ne i realizojmë objektivat tona që janë për interesin e qytetarit të Kosovës, kështu që për këto vite si institucion përfaqësues Kuvendi ka arritur që duke përfshirë shoqërinë civile ta kthejmë në nivelin e transparencës e që është ndër vendet e para në rajon. Ky takim le të na shërbejë si nevojë për diskutim për atë se çka është arritur deri tash”, deklaroi ai.

Subscribe në YouTube: GAZETA INFOKUSI
Etiketa:
E PREMTJA E BARDHË NË ETC ME ZBRITJE DERI 50%
-Advertisement-

Të tjera

Fokusi

lajme