Lajme

Komuna e Mitrovicës fituese e vendit të parë nga Granti i Performancës për “Mjedis të Pastër”

Autori: Gazeta inFokus 11:47 | 19 November 2021

Komuna e Mitrovicës, është radhitur në vendin e parë në nivel të Kosovës me gjithsej 74 pikë për performancën më të mirë në kuadër të Grantit të Përformancës – Mjedisi i Pastër duke u shpërblyer me grant në vlerë prej 267.754.00 euro.

“Ky grant është ndarë për komunat të cilat u janë̈ nënshtruar tri kritereve të qasjes si dhe janë vlerësuar për tre indikatorë të qeverisjes së mirë, të nxjerra nga sistemi i menaxhimit të përformancës komunale në MAPL si dhe tetë indikatorë̈ të menaxhimit të mbeturinave të nxjerra nga Agjencioni për Mbrojtje të Mjedisit të Kosovës në MMPHI.” thuhej në një njoftim për media të komunës.

Tutje thuhej se Komuna e Mitrovicës e falënderon të gjithë stafin e komunës dhe bashkëpunëtorët e tjerë të cilët me punën dhe përkushtimin e tyre po kontribuojnë për sigurimin e një mjedisi sa më të pastër për qytetarët e Mitrovicës.

-Advertisement-

Subscribe në YouTube: GAZETA INFOKUSI