Lajme

KOMF tryezë për të diskutuar rreth abuzimit fizik, seksual, psikologjik dhe lënies pas dore të fëmijëve

Autori: Gazeta inFokus 14:32 | 14 July 2017

KOMF po zhvillon punëtoritë me qëllim ngritjen e kapaciteteve të institucioneve dhe OJQ-ve në mbrojtjen e fëmijëve viktima të dhunës.

Koalicioni i OJQ-ve për Mbrojtjen e Fëmijëve në Kosovë – KOMF në partneritet dhe mbështetur nga projekti “Të ndalojmë dhunën ndaj fëmijëve” i përkrahur nga BE dhe UNICEF ka zhvilluar punëtoritë me akterët kyç të institucioneve dhe shoqërisë civile në komunën e Prishtinës, Gjilanit, Ferizajit, Prizrenit dhe Mitrovicës me temën “Referimi i fëmijëve viktima të dhunës, identifikimi i nevojave dhe shërbimeve adekuate”.

Synimi i punëtorive ishte fuqizimi i kapaciteteve të institucioneve dhe OJQ-ve në referimin e rasteve të fëmijëve viktima të dhunës, identifikimin e nevojave dhe shërbimeve përkatëse si dhe rritja e bashkëpunimit, koordinimit midis profesionistëve dhe organizatave që punojnë në fushën e mbrojtjes së fëmijëve.

-Advertisement-

Tryezat përfshin diskutime rreth abuzimit fizik, seksual, psikologjik dhe lënies pas dore të fëmijëve.

Pjesëmarrës në punëtori ishin përfaqësues të institucioneve përgjegjëse për identifikimin, referimin dhe mbrojtjen e fëmijëve viktima të dhunës, përfshirë përfaqësues nga Drejtoritë e Arsimit, Qendrat për Punë Sociale, Mbrojtësit e Viktimave, Shërbimi Sprovues, Policia e Kosovës dhe organizatat jo qeveritare.

Krahas ngritjes së kapaciteteve, rekomandimet e dala nga këto konsultime do ti drejtohen institucioneve përgjegjëse për plotësim/ndryshim të Kodit Penal, Kodit të Procedurës Penale, Ligjit të Familjes dhe Ligjit për Mbrojtje nga Dhuna në Familje.

Subscribe në YouTube: GAZETA INFOKUSI
Etiketa:
Fillon aplikimi për Global Engineer Girls Kosova
-Advertisement-

Të tjera

Fokusi

lajme