Kombëtarja U21 kompletohet për përballjen me Irlandën
![](https://gazetainfokus.com/wp-content/uploads/2018/09/u21-1-852x460.jpg)
Autori: Gazeta inFokus
10:26 | 05 September 2018
Kombëtarja U21 e Kosovës ka vazhduar me përgatitjet për ndeshjen kundër Irlandës, shkruan GazetaFokus.
Në stërvitjen e sotme që u mbajt në fushën e 2 Korrikut në Prishtinë, përzgjedhësi Rafet Prekazi me ndihmësit, Erdogan Celina e Naser Prapashtica, kishte në dispozicion të gjithë futbollistët, pasi tashmë janë bashkuar me grupin edhe Valmir Sulejmani, Florent Hasani e Mirlind Daku, derisa lajm i mirë për përzgjedhësin Prekazi është fakti që pasdite ekipit i është bashkuar edhe kapiteni Ardian Ismajli, i cili në dy ditët e para ishte i grumbulluar me Kombëtaren A, por me marrëveshje me përzgjedhësin Bernard Challandes, qendërmbrojtësi i spikatur erdhi për ta ndihmuar Kombëtaren U21 në ndeshjen tejet të rëndësishme të së premtes në stadiumin “Adem Jashari” në Mitrovicë.
Edhe gjatë seancës së sotme vërehej një atmosferë shumë e mirë në ekip, ku të gjithë po punojnë me përkushtim për të qenë sa më të përgatitur për duelin me irlandezët. Në stërvitjen e sotme për shkak të lëndimit në këmbë Muharrem Jashari ka stërvitur i diferencuar nga pjesa tjetër, me disa ushtrime të lehta nën përkujdesjen e fizioterapeutit Feim Gashi, sikurse edhe sulmuesi Valmir Sulejmani, i cili ka bërë vetëm rixhenerim, pasi ka luajtur një natë më herët me skuadrën e tij. Në seancën e sotme Prekazi u përqendrua në lojën taktike si dhe në fazën sulmuese, derisa forma e lojtarëve është jashtëzakonisht e mirë.
Deklaruan pas stërvitjes:
Rafet Prekazi: Atmosfera është e jashtëzakonshme dhe djemtë po punojnë me vullnet të madh. Çdo ndeshje është e vështirë dhe kyçe në kualifikimet e Evropianit. Gjithmonë duhet të japësh maksimumin pasi kundërshtarët janë shumë cilësor. Për fat të mirë kjo gjeneratë deri më tash ka treguar lojëra të shkëlqyeshme. Pres që paraqitje të tillë të kenë edhe kundër Irlandës. Këta djemë e kanë obligim që për Kosovën ta japin 120 përqindshin e tyre. Këtu funksionojmë si një familje dhe të gjithë punojmë si grup dhe kështu do t’i çasemi edhe ndeshjes kundër Irlandës.
Lirim Mema: Stërvitjet po shkojnë shumë mirë. Të gjithë po e japim maksimumin dhe jemi të gatshëm për ndeshje. Trajnerët po na japin motiv të madh, derisa ne po punojmë me vullnet të madh. Kundër Irlandës duhet të japim maksimumin që fitojmë dhe t’i mbajmë gjallë shpresat për kualifikim në Evropian. Edhe lojtarët e rinj janë ambientuar lehtë dhe tash mbetet që edhe ata të japin maksimumin dhe t’i kallxojnë vlerat e tyre.
Meriton Korenica: Atmosfera në Kombëtaren U21 si zakonisht është e shkëlqyeshme. Edhe lojtarët e rinj që kanë ardhur janë familjarizuar shpejtë me të gjithë dhe tash na mbetet vetëm ta përgatisim sa më mirë ndeshjen e së premtes. Normalisht se kundërshtari është shumë i fortë, por besoj se do ta japim maksimumin dhe nuk do t’i zhgënjejmë tifozët tanë.
Kushtrim Shabani: Kemi një ekip shumë cilësor dhe po përgatitemi me vullnet të madh për duelin kundër irlandezëve. E dimë se kemi përballë një kundështar shumë të fortë dhe konkurrent për vendin e dytë, por ne hyjmë me dëshirë dhe vullnet për të arritur fitore. Deri tash gjithçka po shkon si duhet dhe pres që edhe në ditën e ndeshjes të jemi në formë të mirë.
![](https://gazetainfokus.com/wp-content/uploads/2024/08/VKD01249-scaled.jpg)
Të tjera
-
FAST Kosova në aksion/ Arrestohet shtetasi nga Arabia Saudite, ishte në kërkim ndërkombëtar
Policia e Kosovës, gjegjësisht njësiti (Fast Kosova), me mbështetje të zyrta...
-
Paralajmëron Ardian Gjini: Diçka ka me eskalu, Serbia ka me bo diçka
Kryetari i Gjakovës, Ardian Gjini, ka folur në lidhje me situatën e sigurisë ...
-
Grabitje si në filma në Kroaci, hidhet në erë bankomati, eurot shpërndahen në rrugë
Një grabitje e denjë për skenat e filmave hollivudianë është regjistruar në Z...
-
Apeli i Speciales ia zbut dënimin Salih Mustafës, ia zbret në 15 vite burgim
Paneli i Gjykatës së Apelit ia ka zbutur dënimin Salih Mustafës, duke ia zbri...
-
Dy kompani paguhen për ta kryer të njëjtën punë: Si po lobon Kosova në SHBA?
Dy kompanitë e kontraktuara për lobim në SHBA nga Ministria e Punëve të Jasht...
-
Lirohen dy politikanët serbë që u arrestuan sot në Veri, gjobiten për prishje të qetësisë publike
Janë liruar politikanët serbë, Aleksandar Arsenijeviq dhe Ivan Orloviq, që u ...
-
Kurti për vizitën e tij në veri: Se ndjeva që dikujt s’i pëlqen kur dikush vjen nga Prishtina, qoftë edhe kryeministri
Kryeministri Albin Kurti në një përgjigje për gazetarët sot në veri ka thënë ...
-
Kurti dhe Sveçla ‘vendosin’ gurthemelin e Agjencisë së Regjistrimit Civil në Leshak të Leposaviqit
Kryeministri i Kosovës Albin Kurti, bashkë me ministrin e Punëve të Brendshme...
-
Takimi mes Ulutash dhe Orav: Bashkëpunimi NATO-BE, kyç për sigurinë e qëndrueshme në mbarë Kosovën
Komandanti i misionit të KFOR-it, gjeneralmajor Ozkan Ulutash, priti shefin e...
-
BE-ja nuk e konfirmon “tërheqjen” e letrës së Bërnabiqit
Peter Stano, zëdhënës i Bashkimit Evropian për Politikë të Jashtme dhe Siguri...
-
Nesër hapet Qendra për trajtimin e qenve edacakë në Prishtinë
Komuna e Prishtinës ka njoftuar se nesër, me fillim nga ora 11:00, do të mbah...
-
Ushtria izraelite thotë se me gjasë e ka vrạrë pa dashje një aktiviste amerikane
Ushtria izraelite tha se një aktiviste amerikane, e cila u vra në Bregun e pu...