Sport

Kombëtarja A bëri homazhe te varri i presidentit Vokrri

Autori: Gazeta inFokus 22:56 | 03 September 2018

Kombëtarja A që është grumbulluar në prag të ndeshjeve kualifikuese për Ligën e Kombeve, kundër Azerbajxhanit dhe Ishujve Faroe, sot pasdite para stërvitjes ka vizituar dhe ka bërë homazhe te varri i presidentit Vokrri, shkruan GazetaFokus.

Futbollistët, shtabi teknik dhe zyrtarë të FFK-së të shoqëruar nga Gramozi djali i legjendës Vokrri, vunë lule të freskëta mbi varrin e tij.

Me këtë rast përzgjedhësi i Kombëtares Bernard Chalandes, të cilin po e mashtronin lotët u shperh:” Këtu jam për shkak të Fadil Vokrrit, një njeriu të madh, futbollist i jashtëzakonshëm, ndaj me te kam mundur të bisedojë, për shumëçka, për futboll,për lojën, taktikën dhe shumë gjëra, Tash ai nuk është, por ne duhet të vazhdojmë. Nuk i them se do të fitojmë për te, por i them se do të luajmë për te. Do të luajmë për vete për familjet tona dhe për Kosovën. Shpresojë se nuk do ta zhgënjejmë”.

-Advertisement-

Tutje Kombëtarja ka vazhduar për në stadiumin Fadil Vokrri ku ka zhvilluar stërvitjen e parë. /GazetaFokus.