Lajme

Kolona deri në 500 metra, sa po presin mërgimtarët për të hyrë në Kosovë

Autori: Gazeta inFokus 12:11 | 18 July 2021

Mëgimtarët po presin deri në 1 orë për të hyrë në Kosovë, për shkak të kolonave të gjata nëpër pikat kufitare.

Siç njofton Qendra Kombëtare për Menaxhim Kufitar, sot në orën 11:20 në pikën e kalimit kufitar te Dheu i Bardhë pritjet për të hyrë në Kosovë janë deri në 1 orë, kurse kolona është e gjatë 400 deri në 500 metra.

Edhe në pikën tjetër kufitare në Merdare kolona e automjeteve është e gjatë 100 deri në 120 metra, kurse pritjet janë 25-30 minuta.

-Advertisement-

Pritje deri në 25 minuta ka edhe në pikën kufitare mes Kosovës dhe Shqipërisë, në Vërmicë. Kolona e automjeteve në këtë pikë në hyrje të Kosovës është 30-40 metra.

Situatë më e qetë vërehet në pikat tjera kufitare.