Lajme

“Kokaina”, përmbajtja e teksteve të këngëve po e nxit kriminalitetin tek fëmijët, thotë avokati Peci

Autori: Gazeta inFokus 12:41 | 26 July 2023

Këngë të shumta sot kanë në përmbajtje të tekstit substancat narkotike, dhunën, trimërinë ndaj policisë e fenomene të tjera që nxisin në aksion kundërligjor.

Këto tekste, dhe përmbajtja e videoklipeve të këngëtarëve në Kosovë, sipas avokatit Berat Peci, po stimulojnë të rinjtë drejt kriminalitetit.

Ai, në Sytë 7 në Klan Kosova tha se, këto këngë po marrin shikueshmëri të madhe nga fëmijët, pa asnjë censurë, dhe si të tilla, nga përvoja e tij gjyqësore, ka parë që këto përmbajtje muzikore po rrisin kriminalitetin tek të miturit.

-Advertisement-

Peci, tek moderatori Enis Reçica, tha se kriminaliteti i fëmijëve po rritet edhe nga lojërat kompjuterike, të cilat zakonisht vendndodhjen e kanë në afërsi të shkollave. Ai përmendi se brenda gjashtëmujorit të parë të vitit 2023, janë mbi 600 vepra penale të shkaktuara nga të miturit.

Subscribe në YouTube: GAZETA INFOKUSI