Sport

KOK dhe SHGSK organizojnë seminar për sportin dhe gazetarinë sportive në Kosovë

Autori: Gazeta inFokus 19:16 | 15 December 2017

Presidenti i Komitetit Olimpik të Kosovës, Besim Hasani, ka pritur në një takim drejtuesit e Shoqatës së Gazetarëve Sportivë të Kosovës (SHGSK), kryetarin Arlind Grantolli dhe anëtaren e Bordit, Genta Cana.
Besim Hasani falënderoi Arlind Grantollin për kontributin që po e jep SHGSK-ja dhe gazetaria sportive në promovimin e sportit në përgjithësi në Kosovë, derisa bashkarisht u pajtuan që ky bashkëpunim të fuqizohet edhe më shumë.

Në lidhje me këtë, KOK-u në bashkëpunim me SHGSK-në, u pajtuan që të organizohet një konferencë e përbashkët me temën: “Sporti dhe Gazetaria Sportive në Kosovë”.

Kjo do të jetë hera e parë që organizohet një tryezë e tillë, ku zyrtarët e organizatave sportive në Kosovë, do të mund të bashkë bisedojnë me gazetarët sportivë, për sfidat e ndryshme në relacionin: “Sporti dhe Gazetaria Sportive”.

-Advertisement-

Tryeza pritet të mbahet në fund të muajit dhjetor, ku të njëjtën ditë, Komiteti Olimpik i Kosovës do të organizojë edhe një koktej të përbashkët.

Detajet tjera për datën, vendin e mbajtjes, temat që do të diskutohen dhe panelistët, do të definohen në ditët në vijim.

Subscribe në YouTube: GAZETA INFOKUSI
Etiketa:

Të tjera

Fokusi

sport