Lajme

Koalicionet parazgjedhore, të pakoordinuara

Autori: Gazeta inFokus 08:22 | 08 June 2017

Partitë politike të cilat kanë lidhur koalicone parazgjedhore mes vete po vazhdojnë të mbajnë takime e të japin premtime në mënyrë të pakoordinuar.

Përderisa kandidati për kryeministër nga koalicioni PAN, Ramush Haradinaj, gjatë fushatës premtoi liberalizimin brenda tre muajve, partneri më i madh i koalicionit (PDK) ka qëndruar i heshtur në këtë drejtim, duke mos u rreshtuar krah këtij zotimi, shkruan sot Gazeta “Zëri”.

E përderisa lideri i këtij subjekti, Kadri Veseli, vazhdoi të japë premtime të tjera për rritje të pagave e pensioneve, ai i Nismës, Fatmir Limaj (partnerit tjetër), u zotua për investime qindra-mijëshe në sektorin e bujqësisë.

-Advertisement-

Nga ana tjetër edhe liderët e partive të koalicionit LDK-AKR-Alternativa kanë dhënë premtime individualisht, me ç’rast lideri i LDK-së ka premtuar rritjen e buxhetit në 5 miliardë euro, e ai i AKR-së rritje ekonomike prej 8%.

Analistët politikë konsiderojnë se koalicionet parazgjedhore janë paraqitur tërësisht të pakoordinuara, megjithatë sipas tyre koaliconi PAN mban primatin në këtë drejtim.

Kurse, vlerësojnë se pjesa dërrmuese e partive kanë dhënë premtime, duke mos bërë të qartë se si do t’i realizojnë ato….

Subscribe në YouTube: GAZETA INFOKUSI
Etiketa:
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…
-Advertisement-

Të tjera

Fokusi

lajme