Sport

Klopp optimist: Mund të fitojmë Ligën e Kampionëve

Autori: Gazeta inFokus 19:55 | 09 March 2021

Trajneri i Liverpoolit, Jurgen Klopp, ka folur para ndeshjes me Leipzigun, në kuadër të fazës së 1/8-tës së finales në Ligën e Kampionëve, shkruan Gazeta inFokus.

Dueli i parë ndalë ekipit gjerman u mbyll 2-0, në favor të ‘The Reds’.

Ndonëse nuk janë duke kaluar në formë të mirë në Premierligë, tekniku gjerman beson që skuadra e tij mund të shpallet kampion në këtë garë.

-Advertisement-

“Mund të fitojmë Champions League këtë sezon: për shkak të cilësive që kemi në skuadër dhe futbollit që luajmë. Jemi në mes të rrugës, por nuk kam fare dyshime rreth kualitetit të djemve. Jam i lumtur që ndeshja e radhës vjen shpejt”.

“E kam thënë 5 mijë herë: futbolli nuk do të ishte loja që dashurojmë të gjithë nëse askush nuk mund të shkojë në stadium. Tifozët na kanë munguar, tanët krijojnë një nga atmosferat më të bukura në botë”.

“Por, mungesa e tyre nuk duhet të jetë një justifikim për ne. Ama, sigurisht që mbështetja e tyre në momente të vështira do na ndihmonte shumë“, është shprehur 53 vjeçari.

Ndeshja mes Liverpoolit dhe Leipzigut luhet të mërkurën në ora 21:00./Gazeta inFokus/

Subscribe në YouTube: GAZETA INFOKUSI
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

sport