Sport

Klopp: Lojtarët e mi i kanë shikuar mijëra video të Mbappes, s’kanë nevojë për këshilla

Autori: Gazeta inFokus 17:04 | 28 November 2018

Trajneri i Liverpoolit, Jurgen Klopp, ka thënë se është më e vështirë të përgatitesh për një ndeshje kur nuk e njeh kundërshtarin, por mendon se kjo gjeneratë e lojtarëve të Liverpoolit mund t’i ketë shënuar 500 mijë video të yjeve të Paris Saint-Germainit.

Sonte do të zhvillohet ndeshja mes Paris Saint-Germainit dhe Liverpoolit në Parc des Princes. Humbja mund t’i japë fund shpresave të dy skuadrave për ta kaluar fazën e grupeve, ndërsa me fitore Liverpooli mund ta sigurojë kualifikimin për në fazën tjetër, nëse në të njëjtën kohë fiton edhe Napoli kundër Crvena Zvezdas.

PSG-ja ka një sulm mjaft të mirë, ndër më të famshmit në Evropë. Në skuadrën e tyre janë Edinson Cavani, Kylian Mbappe dhe Neymari. Skuadra e PSG-së ka arritur t’i shënojë 11 gola në katër ndeshjet e fazës së grupeve të zhvilluara deri më tani në Ligën e Kampionëve.

-Advertisement-

“Është shumë më e vështirë të përgatitesh për një ndeshje kur lojtarët e mi nuk e njohin një kundërshtar, gjë që ndodh nganjëherë. Ne u tregojmë atyre video, por kjo gjeneratë e lojtarëve sigurisht ka shikuar 500 mijë video të Mbappes, Neymarit dhe Cavanit dhe ata i dinë më mirë se unë aftësitë e tyre”, ka thënë Klopp.

“Por, ata shkëlqejnë kur e kanë topin në këmbë dhe kjo do të thotë se ne duhet t’i mbrojmë ata. Do të jetë e vështirë t’i mbyllim të gjitha hapësirat dhe nëse nuk e bën këtë gjë, e pëson menjëherë për shkak të aftësisë dhe shpejtësisë së tyre”.

Subscribe në YouTube: GAZETA INFOKUSI