Sport

Klopp dëshpëron tifozët e Borussia Dortmundit

Autori: Gazeta inFokus 19:16 | 19 February 2018
Jurgen Klopp e ka konsideruar skuadrën aktuale të Liverpoolit si skuadrën më të mirë me të cilën ka punuar ndonjëherë.
Trajneri gjerman në karrierën e tij ka drejtuar edhe Borussia Dortmundin në Gjermani duke e fituar Bundesligën e duke arritur deri në finale të Ligës së Kampionëve, për t’u mposhtur pastaj nga Bayern Munich.

Edhe pse kishte në skuadër lojtar si Robert Lewandowski, Marco Reus, Ilkay Gundogan, ai pretendon se skuadra e tanishme e Liverpoolit, është më e mira që ka drejtuar.

Liverpooli këtë sezon po garon për një pozitë që dërgon në Ligën e Kampionëve, ndërsa mbetet akoma pjesë e kësaj gare, me një fitore të thellë 0-5 që ka shënuar në ndeshjen e parë 1/16 në udhëtim te Porto.

-Advertisement-

“Është vërtet e vështirë për momentin që të bëjë formacionin”, ka deklaruar Klopp për faqen zyrtare të klubit.

“Wow, kurrë më parë nuk kam qenë në një situatë të tillë me shumë lojtarë kualitativ që nuk mund t’i përfshi në skuadër”.

“Të gjithë kanë bërë hapa të mëdhenj. Dom Solanke nuk ishte në skuadër por tani është në një formë të shkëlqyer. Ragnar Klavan, i pabesueshëm. Ben Woodbun, po bën hapa të mëdhenj dhe është shumë afër çdo gjëje”.

“Është e vështirë, po bëhet gjithnjë e më e vështirë, por kjo është mirë për ne natyrisht”, ka përfunduar trajneri gjerman.

Liverpooli në afatin kalimtar dimëror, mbeti pa Philippe Coutinhon që u transferua te Barcelona, por forma e mirë e Mane, Firmino e Salah, kanë bërë që të mos vërehet mungesa e tij.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik

Të tjera