Sport

Kapiteni i Feronikelit ka një mesazh për derbin ndaj Prishtinës

Autori: E.M 19:43 | 05 March 2019

Në kuadër të xhiros së 21-të në elitën e futbollit kosovar zhvillohet derbi ndërmjet Prishtinës dhe Feronikelit, shkruan Gazeta inFokus.

Në një prononcim për Gazetën inFokus, mbrojtësi dhe kapiteni i Feronikelit, Lapidar Lladrovci, ka folur për përballjen e së mërkurës ndaj Prishtinës.

Ndeshja me Prishtinën është njëra nga ndeshjet me te rëndësishme te sezonit për ne, ngase luajmë me rivalin direkt për titull.

-Advertisement-

Një fitore eventuale do të na shkëpuste me 8 pikë në krye të tabelës, ndërsa edhe barazimi nuk do të ishte i keq, pasi do të na mbante 5 pikë para. Megjithatë ka edhe shumë ndeshje për t’u luajtur andaj edhe kjo ndeshje ka rendësin si ajo me Kek-un, pra luhet për 3 pikë.

Do të jetë një ndeshje e bukur pasi kushtet ne stadiumin “Fadil Vokrri” janë fantastike ku tereni do të na lejoj te tregojmë gjithë potencialin tonë.

Besoj se të gjithë tifozët do të kënaqen me lojën që do të tregojmë, jemi shumë të motivuar dhe mezi e presim fillimin e ndeshjes, deklaroj ndër të tjerash mbrojtësi i industrialistëve.

Kujtojmë së ndeshja luhet të mërkurën nga ora 17:00 në stadiumin “Fadil Vokrri” në Prishtinë./Gazeta inFokus/

Subscribe në YouTube: GAZETA INFOKUSI