Lifestyle

Kjo është kompania e parë europiane që arrin vlerën prej $500 miliardë

Autori: Gazeta inFokus 11:58 | 26 April 2023

LVMH Moët Hennessy Louis Vuitton (e njohur si LVMH), kompania franceze që zotëron ndër të tjera shtëpinë e modës Louis Vuitton dhe shampanjën Moët & Chandon, është bërë kompania e parë europiane që ka arritur një vlerë tregu prej 500 miliardë dollarësh, falë kërkesës në rritje për markat e saj të nivelit të lartë.

Aksionet e LVMH – që zotëron marka të tjera si Christian Dior, Stella McCartney, Bulgari dhe Tiffany – u rritën në 902.00 euro. Aksionet e LVMH janë rritur me 30% deri më tani këtë vit, duke e bërë atë një nga dhjetë kompanitë më të vlefshme të listuara në botë.

Si pasojë e këtyre ndryshimeve, vlera e pasurisë së drejtorit ekzekutiv, Bernard Arnault, arrin në 212 miliardë dollarë. Ai është aktualisht njeriu më i pasur në botë me një pasuri 47 miliardë dollarë më shumë se Elon Musk, i cili renditet në vendin e dytë.

-Advertisement-

Rivali luksoz Hermès, prodhuesi i çantave Birkin dhe Kelly, raportoi një rritje prej 23% në shitjet e tremujorit të parë në fillim të këtij muaji. Kompani të tjera të mallrave luksoze, duke përfshirë Kering (e cila zotëron Balenciaga dhe Gucci) dhe Burberry, kanë parë gjithashtu rritje të çmimeve të aksioneve.

Subscribe në YouTube: GAZETA INFOKUSI