Sport

Kjo është deklarata e Ismet Munishit pas barazimit me Prishtinën

Autori: Gazeta inFokus 18:18 | 16 September 2021

Skuadra e Gjilanit ka arritur ta marrë një pikë në udhëtim te Prishtina krejt në fund të ndeshjes, pasi Albert Dabiqaj arriti ta barazonte rezultatin 1-1 në minutën e 90+6’, shkruan Gazeta inFokus.

Pas ndeshjes ka folur trajneri i Gjilanit, Ismet Munishi, i cili është shprehur i gëzuar me karakterin e lojtarëve të tij, të cilët nuk u dorëzuan deri në fund.

“Normalisht ne ishim me 10 lojtarë, ishim në disavantazh, unë iu gëzova karakterit të lojtarëve që nuk u dorëzuan deri në fund, lufta deri në minutat e fundit më pëlqeu. Ne nuk kalkulojmë dhe nuk vijmë për një pikë, Prishtina ishte ekip i mirë, na pamundësoj të dalim në kundërzbritje, unë besoj që pikën e fituam me plotë meritë”, tha Munshi.

Pas këtij barazimi, Gjilani renditet i gjashti me 6 pikë./Gazeta inFokus/

Etiketa:

Të tjera

Fokusi

sport