Sport

Kjo është deklarata e Didier Deschamps pas fitores së madhe te Francës ndaj Belgjikës

Autori: Gazeta inFokus 23:19 | 07 October 2021

Franca është kombëtarja e dytë që e ka siguruar kalimin në finalen e madhe të Ligës së Kombeve, shkruan Gazeta inFokus.

‘Gjelat’ e kanë eliminuar Belgjikën në gjysmëfinale, duke e mposhtur me përmbysje rezultati nga 2-0 në 2-3, në takimin e zhvilluar në ‘Allianz Stadium’ në Torino.

Pas ndeshjes ka folur trajneri i Francës, Didier Deschamps, i cili ka thënë se rikthimi i rezultati tregoi edhe një herë forcën e karakterit të ekipit të tij.

“Rezultati tregon edhe një herë forcën e karakterit të këtij ekipi. Të gjithë menduan se ne nuk kemi shanse pas pjesës së parë”, deklaroi Deshcamps.

Finalja e Ligës së Kombeve mes Spanjës dhe Francës do të zhvillohet të dielën nga ora 20:45 në stadiumin ‘San Siro’ në Milano./Gazeta inFokus/

 

Të tjera