Kissinger: Nuk ka më arsye që Ukraina të mbahet jashtë NATO-s
Autori: Gazeta inFokus 22:07 | 17 January 2023
Ish-sekretari amerikan i Shtetit, Henry Kissinger, tha më 17 janar se pushtimi rus tregon se nuk ka më arsye që Ukraina të mbahet jashtë NATO-s. Dikur ai kundërshtonte këtë aspiratë të Kievit.
Kissinger së fundmi ka avokuar për një armëpushim në luftën në Ukrainë, që në fakt do të pranonte disa nga fitoret ushtarake të Rusisë.
Por, duke folur përmes video-lidhjes në Forumin Botëror Ekonomik në Davos, Kissinger tha se anëtarësimi i Ukrainës në NATO do të ishte “rezultati i duhur”.
“Para luftës, unë kam kundërshtuar anëtarësimin e Ukrainës në NATO sepse kam pasur frikë se një gjë e tillë do të niste pikërisht këtë proces që tani ne po shohim”, tha Kissinger.
“Tani që ky proces ka arritur në këtë nivel, ideja e një Ukraine neutrale nën këto kushte nuk ka më kuptim”, shtoi ai.
Presidenti rus, Vladimir Putin, i ka përshkruar aspiratat e Ukrainës për në NATO si kërcënim, teksa ai ka justifikuar pushtimin e Ukrainës që e nisi më 24 shkurt të vitit të kaluar.
Shtetet e Bashkuara kanë insistuar se vendimi për aplikim për në aleancën ushtarake i përket Ukrainës. Por, shtetet evropiane kanë qenë më të kujdesshme dhe më ngurruese që të ofrojnë mbështetjen e tyre për një anëtarësim eventual të Ukrainës në NATO, pasi ky shtet ka qenë në konflikt në shkallë më të vogël me Rusinë që nga viti 2014.
Kissinger, në një ese të publikuar në revistën britanike The Spectator muajin e kaluar, paralajmëroi se konflikti në Ukrainë kishte ngjashmëri me vitin 1914, kur fuqitë botërore pa dashje përshkallëzuan situatën duke nxitur një luftë botërore.
Ai bëri thirrje për një armëpushim, në të cilin Rusia do të tërhiqej nga vijat e frontit që ishin para pushtimit, por jo më tej, duke qëndruar në lindje të Ukrainës dhe në Gadishullin e Krimesë, që Moska e aneksoi më 2014. Ai tha se kështu do të liheshin territore të hapura për negociata të mëvonshme.
Në Davos, Kissinger tha se është e rëndësishme që “lufta të mos shndërrohet në luftë kundër vetë Rusisë” dhe “t’i jepet Rusisë një mundësi për t’u bashkuar me sistemin ndërkombëtar”.
Sipas tij, një proces diplomatik mund të ndihmojë Rusinë “të rivlerësojë pozicionin e saj historik, i cili është një përzierje midis tërheqjes për kulturën e Evropës dhe nga frika e dominimit nga Evropa”./REL
Të tjera
-
Dhuratat që i shkëmbyen Kurti dhe Erdogan gjatë takimit në kompleksin presidencial turk
Kryeministri I Kosovës Albin Kurti është takuar sot me Presidentin e Turq...
-
Aksion i policisë në Leposaviq, konfiskohen dhjetëra uniforma të policisë serbe
Policia e Kosovës gjatë të premtes pasdite ka përfunduar aksionin policor...
-
Në vitin 2030 pritet të përfundojë pastrimi i Kosovës nga mi*nat e luf*tës
Nga 4,520 zona të rrezikshme nga minat në të gjithë Kosovën, pas luftës, tash...
-
Kurti dhe shefi i diplomacisë turke bisedojnë për projekte të përbashkëta
Krahas takimit dhe drekës së punës me Presidentin e Turqisë, Erdogan, bashkë ...
-
Haradinaj: Jemi këmbëngulës për ta bërë Kosovën anëtare të NATO-s
Kryetari i Alenacës për Ardhmërinë e Kosovës (AAK), Ramush Haradinaj, ka marr...
-
1 Qershori, dita pa makina në Tiranë
Për qytetarët e Tiranës e shtuna e 1 qershorit do jetë “Ditë pa makina”, ku q...
-
Kurti vizitoi dhe vendosi kurorë me lule në Mauzoleun e Mustafa Kemal Atatürkut
Pas takimit bilateral me Presidentin e Turqisë, Erdogan, kryeministri i Kosov...
-
Dronët Bayraktar testohen në Aeroportin e Gjakovës
Dronët Bayraktar janë testuar të premten në hapësirat e aeroportit të Gja...
-
Arrestohet një grua nga Vitia e arma*tosur në Prishtinë, dyshohej se mund ta lëndonte veten apo personat tjerë
Policia e Kosovës ka njoftuar se një tentimvrasje ka ndodhur sot në qytetin e...
-
Tentoi ta fuste telefonin në burg duke e fshehur në televizor
Qendra e Paraburgimit në Mitrovicë ka iniciuar procedurë disiplinore ndaj një...
-
Për pesë muaj shqiptohen afro 1800 gjoba ndaj konsumuesve të duh*anit në ambiente të mbyllura
Ministria e Shëndetësisë po vazhdon pa kompromis zbatimin e Ligjit për Kontro...
-
Lista Serbe: Vendimi i Qeverisë së Kosovës për shpronësime në veri, rrëmbim klasik i pronës serbe
Lista Serbe tha sot se vendimi i Qeverisë së Kosovës për shpronësimin e prona...