Lajme

Kievi po rindërtohet! Në lindje vijon lufta

Autori: Gazeta inFokus 06:55 | 07 June 2022

Ndërsa beteja me rusët vazhdon në lindje të Ukrainës, në Kiev po përpiqen ti rikthehen normalitetit të para luftës.

Kryebashkiaku i Kievit Vitaly Klitcko ka publikuar pamjet nga puna e nisur për rregullimin e rrugëve në qytet.

Teksa shpjegon zonat specifike ku po kryhen punimet, kryesisht në qendrën e Kiveit, Klitcko thotë se kryeqyteti do të bëhet edhe më i bukur se sa ishte më parë.

-Advertisement-

Edhe më herët kryebashkiaku ka thënë se edhe pse në luftë, jeta duhet të rinisë, në Kiev kanë filluar tashmë të hapen shumë biznese, pasi njerëzit po kthehen gjithnjë e më shumë në shtëpitë e tyre.

I qetë prej disa kohësh nga bombardimet, të dielën në kryeqytet u ndje sërish frika e luftës.

Rusët bombarduan në mëngjes herët disa zona, por fatmirësisht askush nuk u lëndua. Rusia ka larguar prej kohësh vëmendjen e saj nga Kievi, por ka paralajmëruar se situata mund të ndryshojë në rast se perëndimi vazhdon të furnizojë me armë Ukrainën.

Subscribe në YouTube: GAZETA INFOKUSI