Lajme

Këto janë të gjitha vendimet që mori Qeveria në mbledhje

Autori: Gazeta inFokus 17:36 | 26 April 2023

Kryeministri i Kosovës, Albin Kurti ka njoftuar se kanë marrë 22 vendime në mbledhjen e Qeverisë.

Ai tha se në prag të Ditës së Personave të Zhdukur me dhunë gjatë luftës, kanë iniciuar aderimin e Kosovës në Komisionin Ndërkombëtar për Personat e Zhdukur (ICMP).

Kurti tha se janë ndarë 9 milionë euro me qëllim të tejkalimit të krizës energjetike.

-Advertisement-

Postimi i plotë:

22 vendime në mbledhjen e 140-të të Qeverisë

Në prag të shënimit të Ditës së Personave të zhdukur me dhunë gjatë luftës në Kosovës, iniciuam aderimin e Republikës së Kosovës në Komisionin Ndërkombëtar për Personat e Zhdukur (ICMP).

Ndamë 600 mijë euro për financimin e monitorimit elektronik. Një mënyrë efektive e trajtimit të rasteve penale, e në veçanti e mbrojtjes së viktimave të dhunës në familje.

Me qëllim tejkalimin e krizës energjetike ndamë 9 milionë euro.

Për zbatimin e masave të efiçiencës së energjisë ndamë 10 milionë euro.

Në mbështetje të punësimit të personave nga komunitetet jo shumicë ndamë 3 milionë euro.

Për mbështetje të mërgatës, të punësimit të grave dhe likuiditetit familjar ndamë 243 mijë euro.

Aprovuam ndryshimin e publikimit të akteve nënligjore, për të lehtësuar qasjen e personave të verbër në Gazetën Zyrtare.

Emëruam Bordin Drejtues të Shërbimit Spitalor Klinik Universitar të Kosovës.

Ndamë 15 mijë euro për organizimin e Forumit Ekonomik të Vjenës në Prishtinë.

Miratuam nismën për marrëveshjen plotësuese për “Programin e Ujërave të Zeza të Kosovës II” me vlerë të grantit prej 13.2 milionë euro.

Ndamë 157 mijë euro për projektin me Bankën Botërore për përmirësimin e sistemit të qeverisjes digjitale.

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme