Lajme

“Këto janë partitë të cilat kanë përfituar nga zgjedhjet”

Autori: Gazeta inFokus 12:13 | 16 June 2017

Drejtori i KDI-së Ismet Kryeziu, ka thënë se numrat e deputetëve të fituar nga subjektet politike të cilët kanë fituar nuk janë doemos fuqia e votës që një parti politike ka fituar.

“Partitë më të vogla brenda koalicioneve kanë përfituar nga koncentrimi i votës në bastionet e tyre dhe lista preferenciale që ja u ka mundësuar ky sistem zgjedhor”, ka thënë ai.

Ja postimi i plotë i Ismet Kryeziut:

-Advertisement-

“Numrat e deputeteve të fituar nga subjektet politike brenda listave të koalicioneve, nuk janë domosdo përqindja ose fuqia e votës që një subjekt politik ka fituar. Varet si dëshirojmë me i lexu numrat.

Triki i këtij sistemi zgjedhor jo i shumë i testuar më herët, ka treguar se sa lehtë mundesh që me 10,000 vota ti zgjedhësh pesë deputet. Ti kesh 10, 000 vota do të thotë të kesh jo më shumë se 1,5% të votës së atyre që kanë dalë në zgjedhje, por në anën tjetër ky numër i vogël i votave dhe kjo përqindje e ulët në nivele vendi të ka mundësuar ti kesh pesë(5) deputet nëse je pjesë e një koalicioni. Pra, nëse pragu për një deputet brenda listës është psh. 10.000 vota apo dhe më pak se 10.0000 vota.
Partitë më të vogla brenda koalicioneve kanë përfituar nga koncentrimi i votës në bastionet e tyre dhe lista preferenciale që ja u ka mundësuar ky sistem zgjedhor. Prandaj mendoi se numri i deputetëve në këto zgjedhje nuk është indikativ për fuqinë elektorale që ka një subjekt politik brenda koalicioneve”.

Subscribe në YouTube: GAZETA INFOKUSI