Lajme

Këto janë dy kategoritë për të cilat qeveria ndau sot 19 milionë euro

Autori: Gazeta inFokus 09:46 | 21 October 2022

Qeveria e Kosovës sot ka mbajtur një mbledhje elektronike ku është vendosur që të ndahen 19 milionë euro për zbatimin e Pakos për Ringjallje Ekonomike.

Këto para janë ndarë për sektorin e energjisë për tejkalimin e krizës dhe mbështetjen e likuiditetit familjar, shkruan Gazeta Infokus.

Sipas vendimit të qeverisë në mbledhjen e 101-të të Qeverisë, janë ndarë pesë milionë euro (5.000.000,00 €) për zbatimin e masës 3.7 Mbështetje për tejkalimin e krizës energjetike, në kuadër të Pakos për Ringjallje Ekonomike.

-Advertisement-

Masa 3.7, masë kjo e cila parasheh alokimin e 20 milionë eurove për Korporatën Energjetike të Kosovës (KEK).

Ndërsa, me vendimin e dytë të miratuar në këtë mbledhje, janë ndarë mjete buxhetore në shumën prej katërmbëdhjetë milionë euro (14.000.000,00 €), për zbatimin e masave shtesë në kuadër të Pakos për Ringjallje Ekonomike, të masës 3.6 Mbështetja e likuiditetit familjar.

Masa 3.6. – Mbështetja e likuiditetit familjar – 10 mil EUR Me qëllim të adresimit të likuiditetit familjar, do të subvencionohen kreditë për konsum deri në 3,000 euro. Kjo do t’iu mundësoj shumë familjeve të mbyllin bilancet e kredit-kartelave që kanë interesa shumë të larta, dhe njëkohësisht të përgatiten për vjeshtë duke pasur likuiditetin e nevojshëm për mbulimin e shpenzimeve sezonale./Gazeta Infokus/

Subscribe në YouTube: GAZETA INFOKUSI
Coffee Show B2B në Zagreb nga Devolli Corporation

Të tjera

Fokusi

lajme